27.09.2026 | 21:42
Եղիշե Մելիքյանը և Նաիր Թիկնիզյանը՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
Գործողություններ կազմակերպե՛ք, ավազը բաց դրած է մայթերին, դա անընդունելի է․ Տիգրան Ավինյան․ ՏԵՍԱՆՅՈՒԹ
Տնտեսություն
20.07.2026 | 12:21
Երևանի քաղաքապետ Տիգրան Ավինյանը հուլիսի 20-ի գործակարգավարական խորհրդակցության ընթացքում հետաքրքրվել է Եղվարդի խճուղում իրականացվող շինարարական աշխատանքների ընթացքով։
Քաղաքապետարանի աշխատակազմի կոմունալ տնտեսության վարչության պետ Արսեն Կարոյանը զեկուցեց, որ նշված հատվածում միաժամանակ իրականացվում է երեք նախագիծ։ Նրա խոսքով՝ «Գազպրոմ Արմենիան» իրականացնում է գազատարի նոր խողովակաշարի անցկացում, Երևանի քաղաքապետարանը՝ ոռոգման գծի կառուցում, իսկ մասնավոր կազմակերպությունը՝ կոյուղատար համակարգի անցկացում։
Ըստ Կարոյանի՝ երեք ծրագրերի շրջանակում իրականացվել են համապատասխան վարչարարություններ, և աշխատանքներն ակտիվորեն շարունակվում են՝ ճանապարհի ասֆալտբետոնե ծածկույթը նախնական տեսքին վերականգնելու նպատակով։
Անդրադառնալով հարցին՝ Տիգրան Ավինյանը հիշեցրեց, որ նման աշխատանքները պետք է իրականացվեն ոչ միայն սահմանված ժամկետներում, այլև Երևանի ավագանու կողմից սահմանված բոլոր շինարարական կանոնների պահպանմամբ։
Քաղաքապետը նաև արձանագրել է խախտում Շենգավիթ վարչական շրջանում՝ Գարեգին Նժդեհի հրապարակում։
«Էլի բաց ավազը դրված ա մայթերի կողքը, և դա անընդունելի է, պարո՛ն Մխիթարյան։ Հենց այսօր խնդրում եմ համապատասխան գործողությունները կազմակերպել»,- հանձնարարեց Ավինյանը։
Մանրամասները՝ տեսանյութում։
