19.07.2026 | 16:59
Ձեռնարկվում են միջոցառումներ դեպքի մյուս մասնակիցներին հայտնաբերելու ուղղությամբ. ՆԳՆ
RAF. Արսեն Հարությունյանի տպավորիչ «քամբեքը», Արման Ծառուկյանի առաջին պարտությունը․ ՏԵՍԱՆՅՈՒԹ
19.07.2026 | 09:35
Ազատ ոճի ըմբշամարտի Եվրոպայի քառակի չեմպիոն, աշխարհի առաջնության քառակի բրոնզե մեդալակիր Արսեն Հարությունյանը երկրորդ հաղթանակն է տարել RAF (Real American Freestyle) ազատ ոճի ըմբշամարտի լիգայում։
ԱՄՆ-ի Միլուոկի քաղաքում կայացած RAF 11 մրցաշարում Հարությունյանը մրցել է 19-ամյա ամերիկացի ըմբիշ Բեն Դավինոյի հետ ու հաղթել 6։5 հաշվով։ Գոտեմարտի ընթացքում Դավինոն հաղթելիս է եղել 5։0 հաշվով, սակայն 26-ամյա հայ ըմբիշը հասել է կամային հաղթանակի՝ վերջին միավորները վաստակելով վերջին վայրկյաններին։
RAF 11-ի գլխավոր մենամարտում UFC-ի թեթև քաշային կարգի դասակարգման երկրորդ համար Արման Ծառուկյանն անակնկալ պարտություն է կրել։ Հայ մարտիկը 3։5 հաշվով պարտվել է UFC-ի նախկին մարտիկ, ամերիկացի Քոլբի Քովինգթոնին։ 38-ամյա Քովինգթոնը նվաճել է RAF Crossover գոտին։
Հիշեցնենք, որ Արսեն Հարությունյանը հունիսի 14-ին էր նորամուտը նշել RAF-ում՝ 14։4 հաշվով վստահ հաղթանակ տարնելով Պուերտո Ռիկոն ներկայացնող Կալեբ Սմիթի նկատմամբ։
Արման Ծառուկյանը RAF-ում անցկացրել է 8 մենամարտ, տարել 7 հաղթանակ ու կրեց առաջին պարտությունը։
Colby Covington defeats No. 2 UFC contender Arman Tsarukyan, 5-3, in the RAF 11 main event. pic.twitter.com/HUtglg14hP
— Saturday Night Lights (@WrestlingSNL) July 19, 2026
