11.08.2026 | 15:11
Ո՞րն է այն իրավական ակտը, որով ՀՀ տարածքը 29,743 քառակուսի կմ է, ո՞ւր կորավ 57 քառակուսի կիլոմետրը. Արթուր Խաչատրյան
Քոչարյանը շատ լարված եղել «Լազարևյան ակումբի» նիստին. «Հրապարակ»
01.12.2018 | 09:21
«Հրապարակ» թերթը գրում է. «Երեկ հայ-ռուսական «Լազարևյան ակումբը» Մարզահամերգային համալիրում սկսեց իր անդրանիկ նիստը։ Մեծ թվով հյուրեր էին հրավիրված Ռուսաստանից, հրավիրված էին նաև ՀՀ նախկին և ներկա նախագահները, պաշտոնյաներ, փորձագետներ, զինվորականներ, գրողներ, հրապարակախոսներ։ ՀՀ նախագահներից ներկա էր միայն Ռոբերտ Քոչարյանը, որը նաև ելույթ ունեցավ՝ նվիրված հայ-ռուսական բարեկամությանը, և իր նոր տպագրված գիրքը նվիրեց ակումբի նախաձեռնող, ՌԴ Պետդումայի անդամ Կոնստանտին Զատուլինին։
Չնայած Ռ․ Քոչարյանի ինքնատիրապետումին, նկատելի էր, որ նա շատ լարված է՝ երկուշաբթի շարունակվելու է նրա կալանքի հարցի քննարկումը վերաքննիչ քրեական դատարանում։ Այն, որ իշխանությունը լուրջ է տրամադրված, երևում էր նաև նրանից, որ երեկ իշխանական մամուլը (հավանաբար, անվտանգության ծառայություններից ստացված) տեղեկություններ էր հրապարակում նրա որդի Լևոն Քոչարյանի՝ բանակից խուսափելու, բանկային հաշվի վրա տարիներ առաջ ունեցած գումարների մասին»։
Առավել մանրամասն՝ թերթի այսօրվա համարում:
