15.08.2026 | 19:53
Գիտնականներն արձանագրել են գլոբալ տաքացման տեմպերի կտրուկ արագացում․ Լևոն Ազիզյան
Հունիսին ՔԿՀ-ներում հայտնաբերվել է 137 բջջային հեռախոս և թմրամիջոցների նմանվող նյութեր
17.07.2026 | 18:10
Քրեակատարողական ծառայությունը հայտնում է, որ 2026 թվականի հունիսին իրականացված օպերատիվ միջոցառումների ընթացքում քրեակատարողական հիմնարկներում հայտնաբերվել են թմրամիջոցների նմանվող զանգվածներ և հեղուկ, 137 բջջային հեռախոս, 175 հեռախոսի պարագա, ինքնաշեն ոգելից խմիչք, կտրող-ծակող առարկաներ և այլ արգելված իրեր։ Բոլոր դեպքերով նախաձեռնվել են համապատասխան վարույթներ և նշանակվել դատաքիմիական փորձաքննություններ։
ՔԿԾ-ի հաղորդագրությունը՝ ստորև․
Քրեակատարողական ծառայությունը հետևողականորեն շարունակում է իրականացնել համալիր միջոցառումներ՝ ուղղված քրեակատարողական հիմնարկներ թմրամիջոցների և արգելված իրերի ներթափանցման, ինչպես նաև ազատազրկված անձանց կողմից դրանց պահման և ապօրինի շրջանառության կանխարգելմանն ու բացահայտմանը։
2026 թվականի հունիսին Քրեակատարողական ծառայության կենտրոնական մարմնի օպերատիվ վարչության տարածքային բաժինների, ինչպես նաև քրեակատարողական հիմնարկների անվտանգության և պահպանության ապահովման ստորաբաժանումների ծառայողների կողմից իրականացված միջոցառումների արդյունքում հայտնաբերվել է՝
24,92գր թմրամիջոցների նմանվող զանգվածներ,
250մլ թմրամիջոցի նմանվող հեղուկ,
137 բջջային հեռախոս,
175 բջջային հեռախոսի պարագա,
4 wi-fi սարք,
15 կտրող-ծակող առարկա,
151,67լ ինքնաշեն ոգելից խմիչք և արգելված այլ իրեր։
Բոլոր դեպքերով նախաձեռնվել են քրեական, վարչական և կարգապահական վարույթներ, նշանակվել են դատաքիմիական փորձաքննություններ։
Քրեակատարողական ծառայությունը կրկին հորդորում է քաղաքացիներին խստորեն պահպանել քրեակատարողական հիմնարկներ այցելելու՝ օրենքով սահմանված պահանջները և զերծ մնալ անօրինական գործողություններից:
