14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վալերի Օսիպյանը մասնակցել է Արցախի ոստիկանության մասնագիտական օրվան
Հասարակություն
30.11.2018 | 21:38
Նոյեմբերի 29-ին ՀՀ ոստիկանության պետ Վալերիյ Օսիպյանը Ստեփանակերտում հանդիպում ունեցավ Արցախի Հանրապետության Բակո Սահակյանի հետ։ Հանդիպմանը ներկա էր նաև Արցախի ոստիկանության պետ Իգոր Գրիգորյանը։
Ինչպես տեղեկացրին ՀՀ ոստիկանության տեղեկատվության և հասարակայնության հետ կապերի վարչությունից, կողմերը կարևորեցին երկու երկրների իրավապահ կառույցների միջև փոխգործակցության առավել ամրապնդումը՝ ընդգծելով դրա անհրաժեշտությունը հանցավորության դեմ պայքարի արդյունավետության, հետախուզվողների օպերատիվ հայտնաբերման տեսանկյունից։Հանդիպմանը առարկայական քննարկվեցին Հայաստանի և Արցախի հանրապետությունների ոստիկանությունների համագործակցությանը նոր թափ հաղորդելուն վերաբերող հարցեր։ Կողմերը հավաստիացրին, որ այդ ուղղությամբ պատրաստակամ ու հետևողական են լինելու։ Հանդիպմանը քննարկվեցին երկուստեք հետաքրքրությունն ներկայացնող այլ հարցեր ևս։
Նոյեմբերի 30-ը Արցախի Հանարապետության ոստիկանության ծառայողի մասնագիտական օրն է:
Տոնի առթիվ ոստիկաններին շնորհավորելու էր եկել Արցախի Հանրապետության նախագահ Բակո Սահակյանը, Հայաստանի Հանրապետության ոստիկանության պատվիրակությունը` ՀՀ ոստիկանության պետ Վալերիյ Օսիպյանի գլխավորությամբ, պետական այրեր, ոստիկանության վետերաններ:Արցախի Հանրապետության նախագահի կողմից ծաղկեպսակ , հյուրերի կողմից ծաղիկներ խոնարհվեցին Արցախյան ազատամարտում զոհված ոստիկանների հիշատակը հավերժացնող հուշակոթողին:Հերոսացած ծառայակիցների հիշատակի ոգեկոչումից հետո ս կսվեց մասնագիտական տոնին նվիրված հանդիսավոր նիստը: Հանդիսավոր նիստի ընթացքում ելույթ ունեցան Արցախի Հանրապետության նախագահ Բակո Սահակյանը, Հայաստանի և Արցախի ոստիկանության պետերը։
Այնուհետև Արցախի Հանրապետության նախագահի հրամանագրերով, մասնագիտական օրվա առթիվ, խրախուսանքների արժանացան ոստիկանության մի խումբ ծառայողներ:
Վալերիյ Օսիպյանի հրամանով Արցախի Հանրապետության ոստիկանության պետ Իգոր Գրիգորյանը պարգևատրվեց «Մարտական զորակցություն» մեդալով: ՀՀ ոստիկանության պետի հրամաններով տարբեր պարգևների արժանացան Արցախի ոստիկանության ևս երկու տասնյակ ծառայողներ:
Հրապարակվեցին Արցախի Հանրապետության մի շարք գերատեսչությունների և կազմակերպությունների ղեկավարների հրամանները` մասնագիտական տոնի առթիվ արցախցի ոստիկանների պարգևատրելու մասին:
Արցախի Հանրապետության ոստիկանության պետի հրամանով ՀՀ ոստիկանության պետ Վալերիյ Օսիպյանին շնորհվեց Արցախի Հանրապետության ոստիկանության պատվավոր ծայողի կոչում, ՀՀ ոստիկանության պետի տեղակալ Աղասի Կիրակոսյանը, հասարակայնության հետ կապի և լրատվության վարչության պետ Աշոտ Ահարոնյանը, շտաբի միջազգային համագործակցության վարչության արարողակարգի բաժնի պետ Վահան Աշխարոյանը պարգևատրվեցին «Համագործակցության ամրապնդման համար» մեդալով:
Հանդիսավոր նիստի ընթացքում տարբեր պարգևների արժանացան Արցախի ոստիկանության հարյուրից ավելի ծառայողներ, համակարգի նախկին ղեկավարներ, վետերաններ, դրամական աջակցություն ստացավ մարտական գործողությունների ժամանակ ու ծառայողական պարտականությունները կատարելիս զոհված ոստիկանների շուրջ հիսուն ընտանիք:
