16.07.2026 | 20:50
Միացյալ Թագավորությունում ՀՀ դեսպանը հանդիպել է ՎԶԵԲ նախագահի հետ
Ադրբեջանը, Թուրքիան և Վրաստանը համատեղ զորավարժություններ կանցկացնեն
Քաղաքականություն
16.07.2026 | 19:52
Ռազմական համագործակցության պլանի համաձայն՝ Ադրբեջանի, Վրաստանի և Թուրքիայի պաշտպանության նախարարությունների մասնակցությամբ տեղի է ունեցել «Eternity 2026» հրամանատարաշտաբային զորավարժությունների պլանավորման համաժողովը։ Վարժանքներն անցկացվելու են Ադրբեջանում։
Ադրբեջանի ՊՆ-ն հայտնում է, որ այս տարվա նոյեմբերին նախատեսված զորավարժություններին կմասնակցեն երեք երկրների զինծառայողներ, այդ թվում՝ Ադրբեջանի ռազմավարական օբյեկտների պաշտպանության պետական գործակալության և «Ադրբեջանի երկաթուղիներ» ՓԲԸ-ի անձնակազմերը։
Նշվում է, որ զորավարժության պլանը հիմնված է մասնակից երկրների տարածքներով անցնող ռազմավարական օբյեկտների և կապի գծերի պաշտպանության և մարտավարական պաշտպանության սցենարի վրա։
Համաժողովում քննարկվել են զորավարժության թեման և նպատակները, միացյալ շտաբի կազմը, տեղում կիրառվելիք մարտավարական սցենարները և այլ կազմակերպչական հարցեր։
Թարգմանությունը՝ Էմմա Չոբանյանի
