27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Կիևը ԵՄ վարկի միջոցներով Չինաստանից ԱԹՍ-ների բաղադրիչներ գնելու թույլտվություն է ստացել․ FT
Քաղաքականություն
15.07.2026 | 18:26
Կիևը հատուկ թույլտվություն է ստացել՝ ԵՄ-ից ստացված 6 միլիարդ եվրոյի տրանշի մի մասն օգտագործել Չինաստանից անօդաչու թռչող սարքերի բաղադրիչներ գնելու համար։ Այս մասին հաղորդում է FT-ն՝ հղում անելով որոշմանը ծանոթ երկու աղբյուրների, գրում է BBC-ի ռուսական ծառայությունը։
Նշվում է, որ այս քայլն «ընդգծում է ԵՄ սեփական պաշտպանական արտադրության մեջ պահպանվող բացթողումները» և ցույց է տալիս Պեկինի դերը հակամարտության երկու կողմերին էլ մատակարարումներ իրականացնելու գործում։
Ուկրաինայի իշխանությունների տվյալներով՝ ռազմաճակատում ռուսական բանակի կորուստների մինչև 80%-ը ներկայում պայմանավորված է անօդաչու թռչող սարքերի հարվածներով։
ԵՄ վարկի պայմանների համաձայն՝ պաշտպանական սարքավորումները կարող են ձեռք բերվել միայն եվրոպական արտադրողներից, Ուկրաինայից կամ վստահելի գործընկերներից, ինչպիսին է Կանադան։ Բոլոր մյուս մատակարարները ենթակա են սահմանափակման. պայմանագրում «չհաստատված» երկրներից բաղադրիչների բաժինը չի կարող գերազանցել 35%-ը։
Այնուամենայնիվ, եթե անհրաժեշտ զենքը գործընկերներից բավարար քանակությամբ հասանելի չէ կամ չի կարող արագ մատակարարվել, Կիևը կարող է Բրյուսելից թույլտվություն խնդրել դրանք այլ տեղից գնելու համար։
Թարգմանությունը՝ Էմմա Չոբանյանի
