05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Կարծում եմ՝ Պուտինը պատրաստ է խաղաղության համաձայնագիր կնքել․ Թրամփ
Քաղաքականություն
15.07.2026 | 17:41
ԱՄՆ նախագահ Դոնալդ Թրամփը Fox News-ին տված հարցազրույցում ասել է, թե նախկինի պես կարծում է, որ Ռուսաստանի նախագահ Վլադիմիր Պուտինը պատրաստ է համաձայնագիր կնքել Ուկրաինայում պատերազմը շուտափույթ դադարեցնելու համար՝ չնայած շարունակվող հարձակումներին և որոշ նշաններին, որ Մոսկվան կարող է սրել հակամարտությունը, գրում է BBC-ի ռուսական ծառայությունը։
«Կարծում եմ՝ նա պատրաստ է համաձայնագիր կնքել»,- ասել է Թրամփը՝ պատասխանելով Պուտինի հետ իր զրույցների մասին հարցին։
Ավելի վաղ Կրեմլին մոտ կանգնած երեք աղբյուրներ Reuters-ին հայտնել էին, որ ՌԴ նախագահը մերժում է Կիևի հետ խաղաղ բանակցությունների կոչերը և, ամենայն հավանականությամբ, կսրի հակամարտությունը, որն արդեն հինգերորդ տարին է ընթանում։
Թարգմանությունը՝ Էմմա Չոբանյանի
