05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Բաքուն հայտնում է, որ Օդեսայի ափերի մոտ Ադրբեջանի քաղաքացիների տեղափոխող նավ է հարձակման ենթարկվել
Քաղաքականություն
15.07.2026 | 12:24
Բաքուն հայտնել է, որ Օդեսայի ափերի մոտ Ադրբեջանի քաղաքացիների տեղափոխող նավը անօդաչու թռչող սարքի հարձակմանն է ենթարկվել։ Այս մասին լրատվամիջոցների հաղորդագրություններին ի պատասխան՝ Ադրբեջանի ԱԳՆ-ն հայտարարություն է տարածել։
Նշվում է, որ թուրքական Okean Maritime ընկերությանը պատկանող Atlas Bey քաղաքացիական առևտրային նավը հուլիսի 14-ին Օդեսայի ափերի մոտ անօդաչու թռչող սարքի հարձակման է ենթարկվել տեղական ժամանակով 15:15-ի սահմաններում։
«Նավում եղել է Ադրբեջանի 11 քաղաքացի։ Ըստ առկա տեղեկությունների՝ նավապետից բացի, որն Ադրբեջանի քաղաքացի է, անձնակազմի մնացած անդամները տարվել են Օդեսայի ափ։ Նրանց վիճակը գնահատվում է բավարար։ Ներկայում աշխատանքներ են տարվում նավապետին գտնելու համար»,- ասվում է հայտարարության մեջ։
Նշվում է, որ Ուկրաինայում Ադրբեջանի դեսպանատունը մշտական կապի մեջ է համապատասխան մարմինների հետ և ձեռնարկում է անհրաժեշտ միջոցներ՝ Ադրբեջանի քաղաքացիներին հյուպատոսական օգնություն ցուցաբերելու համար։
Թարգմանությունը՝ Էմմա Չոբանյանի
