27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Ռուսաստանը հույս ունի, որ Անկարան կոշտ ազդանշան կուղարկի Կիևին «Կապույտ հոսքի» վրա հարձակումների վերաբերյալ
Քաղաքականություն
14.07.2026 | 22:47
Մոսկվան ակնկալում է, որ Անկարան Կիևին ոչ հաճելի ազդանշան կուղարկի «Կապույտ հոսք» գազատարի ենթակառուցվածքների վրա պարբերական հարձակումների պատճառով։ Այս մասին հայտարարել է ՌԴ արտաքին գործերի նախարար Սերգեյ Լավրովը, գրում է ՏԱՍՍ-ը։
Չադի արտաքին գործերի նախարար Աբդուլայե Սաբրե Ֆադուլի հետ բանակցություններից հետո համատեղ մամուլի ասուլիսում Լավրովն ուշադրություն է հրավիրել Կիևի կողմից ոչ միայն Ազովի ծովում, այլև Սև ծովում իրականացված, իր բնորոշմամբ, «ահաբեկչական հարձակումների» ուղղությամբ:
«Հենց երեկ թուրքական լրատվամիջոցները հայտնել էին, որ ուկրաինական անօդաչու նավակների կողմից թուրքական նավերի, լցանավերի և թուրքական բեռներ տեղափոխող այլ նավերի դեմ իրականացվել են նոր՝ բավականին հզոր հարձակումներ: Սա առաջին դեպքը չէ, չհաշված այն, որ «Կապույտ հոսքի»՝ Թուրքիա տանող գազատարի ենթակառուցվածքները պարբերաբար ենթարկվում են ահաբեկչական հարձակումների»,- հայտարարել է Լավրովը:
Նա նշել է, որ թուրք գործընկերներից հետաքրքրվել են, թե ինչպես են նրանք պատրաստվում արձագանքել իրավիճակին։
«Հույս ունենք, որ նրանք կկարողանան հրապարակային գնահատական տալ այս իրադարձություններին և կոշտ, ոչ հաճելի ազդանշան ուղարկել Կիևի ահաբեկչական ռեժիմին»,- հավելել է ռուսաստանցի պաշտոնյան։
Թարգմանությունը՝ Էմմա Չոբանյանի
