07.08.2026 | 11:50
Արինա Սաբալենկան հարդի վրա լավագույն արդյունքն է գրանցել վերջին 10 տարում. ՏԵՍԱՆՅՈՒԹ
Բրատիսլավան Արցախում նախագծերի է մասնակցում․ Ալիևը Շուշիում ընդունել է Սլովակիայի նախագահին
Քաղաքականություն
14.07.2026 | 20:51
Արցախի հայաթափված Շուշի քաղաքում Ադրբեջանի նախագահ Իլհամ Ալիևն ընդունել է Սլովակիայի նախագահ Պետեր Պելեգրինիին։ Ադրեջանական լրատվամիջոցների հաղորդմամբ՝ կողմերը նեղ ու ընդլայնված կազմով բանակցություններ են անցկացրել, այնուհետև երկու երկրների նախագահները մամուլի համար հայտարարություններով են հանդես եկել։
Ալիևը հայտնել է, որ Սլովակիան ակտիվորեն մասնակցում է Ղարաբաղի վերականգնմանը։ Մասնավորապես, սլովակյան մի ընկերություն Ակնայի շրջանում իրականացնում է «խելացի գյուղի» նախագիծ։
Պելեգրինին հաստատել է՝ Սլովակիայի ընկերությունները մասնակցում են Ղարաբաղի զարգացման այս նոր փուլին։
«Մեր անձնական հանդիպումների ժամանակ բազմիցս քննարկել ենք Ղարաբաղը և նրա ապագա զարգացումը։ Հետևաբար, այսօր ինձ համար մեծ պատիվ է իմ պատվիրակության գործընկերների հետ միասին սեփական աչքերով տեսնել այս տարածքի զարգացման գործում ձեռք բերված հսկայական առաջընթացը։ Մենք խորապես գոհ և հպարտ ենք, որ սլովակյան ընկերությունները նույնպես մասնակցում են Ղարաբաղի զարգացման այս նոր փուլին։ Վստահ եմ, որ նրանք կշարունակեն ակտիվորեն մասնակցել Ղարաբաղում իրականացվելիք հետաքրքիր նախագծերին»,- նշել է Սլովակիայի նախագահը։
Նա նաև հայտարարել է, որ Սլովակիայի ընկերությունները կմասնակցեն ADEX-2026 պաշտպանական ցուցահանդեսին, որը կկայանա Բաքվում սեպտեմբերին։
Այնուհետև երկու նախագահներն այցելել են Ակնա, գյուղերից մեկում ծանոթացել աշխատանքներին ու մասնակցել Միլան Ռաստիսլավ Շտեֆանիկի անվան միջնակարգ դպրոցի հիմնարկեքին, որը նախատեսված է 840 սովորողի համար։
Թարգմանությունը՝ Էմմա Չոբանյանի
