05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Հայաստանի որոշ շրջաններում օդի ջերմաստիճանը կհասնի մինչև 39 աստիճանի
14.07.2026 | 12:39
Հայաստանի տարածք արևադարձային տաք օդային հոսանքների ներթափանցմամբ պայմանավորված՝ հուլիսի 15-16-ին հանրապետությունում կպահպանվի բարձր ջերմային ֆոն. այս մասին ֆեյսբուքյան իր էջում հրապարակած տեսանյութում հայտնել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։
«Հանրապետության տարածք ներթափանցել են արևադարձային տաք օդային հոսանքներ, որոնք փչում են հարավից և հարավ-արևելքից՝ Իրաքի և Իրանի տարածքից։ Դրա արդյունքում այսօր և վաղը հանրապետության տարածքում կանխատեսվում է բավականին բարձր ջերմային ֆոն։ Արարատյան դաշտում, Երևանում և Սյունիքի հովտային գոտում ժամը 16:00-17:00-ն ընկած ժամանակահատվածում սպասվում է 37-38 աստիճան տաքություն, իսկ առանձին ցածրադիր գոգավոր հատվածներում օդի ջերմաստիճանը կհասնի մինչև 39 աստիճանի։ Իսկ ահա արդեն հուլիսի 16-ից սկսած օդային հոսանքները կփոխեն իրենց ուղղությունը՝ դառնալով հյուսիս-արևելյան և հյուսիս-արևմտյան, ինչի հետևանքով հանրապետությունում օդի ջերմաստիճանը կսկսի աստիճանաբար նվազել»,- նշել է Սուրենյանը։
