21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Ուկրաինան և եվրոպական ինը երկրներ ստեղծում են հակաբալիստիկ պաշտպանության կոալիցիա
Քաղաքականություն
13.07.2026 | 23:03
Ուկրաինան և եվրոպական ինը երկրներ հայտարարել են հակաբալիստիկ պաշտպանության կոալիցիայի ստեղծման մասին, որի նպատակն է համատեղ զարգացնել Եվրոպայի հակաբալիստիկ պաշտպանական կարողությունները՝ ի պատասխան բալիստիկ հրթիռներից աճող սպառնալիքի․ գրւմ է Reuters-ը։
Կոալիցիայի հիմնադիր անդամներն են Ուկրաինան, Դանիան, Ֆրանսիան, Գերմանիան, Իտալիան, Նիդեռլանդները, Նորվեգիան, Իսպանիան, Շվեդիան և Միացյալ Թագավորությունը։ Համապատասխան հայտարարությունը հնչել է Փարիզում կայացած հանդիպման ընթացքում, որտեղ մասնակցում էին նաև Ուկրաինայի նախագահ Վոլոդիմիր Զելենսկին, եվրոպական առաջնորդներ, ՆԱՏՕ-ի գլխավոր քարտուղարը և ԵՄ ղեկավարները։
Ֆրանսիայի նախագահի աշխատակազմի տվյալներով՝ նախաձեռնության նպատակն է ստեղծել Եվրոպայի համար միասնական հակաբալիստիկ պաշտպանության համակարգ, որը կհամալրի արդեն գործող և ապագայում ստեղծվելիք հակաօդային ու հակահրթիռային պաշտպանության միջոցները։ Կոալիցիան նաև նախատեսում է համատեղել եվրոպական պաշտպանական արդյունաբերության, գիտահետազոտական կենտրոնների և Ուկրաինայի ռազմական փորձը՝ նոր պաշտպանական հնարավորություններ մշակելու համար։
Reuters-ի փոխանցմամբ՝ նախաձեռնության շրջանակում նախատեսվում է զարգացնել նաև Freyja անվանումով նախագիծը, որը դիտարկվում է որպես եվրոպական հակաբալիստիկ պաշտպանության նոր համակարգ՝ լրացնելով գործող ամերիկյան Patriot և եվրոպական SAMP/T համակարգերի հնարավորությունները։
