27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Ֆրանսիան շոգի պատճառով դադարեցնում է ատոմային ռեակտորների աշխատանքը
Քաղաքականություն
13.07.2026 | 21:52
Ֆրանսիական պետական EDF ընկերությունը ժամանակավորապես դադարեցրել է երեք ատոմային ռեակտորների աշխատանքը, իսկ ևս մի քանիսի հզորությունը նվազեցրել է՝ երկրում շարունակվող ուժեղ շոգի պատճառով։ Պատճառը գետերի ջրի բարձր ջերմաստիճանն է, որն օգտագործվում է ռեակտորների սառեցման համար և որի նկատմամբ գործում են խիստ բնապահպանական սահմանափակումներ․ գրում է Reuters-ը։
Ֆրանսիան էլեկտրաէներգիայի շուրջ 70 տոկոսն արտադրում է ատոմային էլեկտրակայաններում, որոնց մի մասը սառեցման համար օգտագործում է գետերի ջուրը։ Բնապահպանական նորմերի համաձայն՝ եթե գետերի ջերմաստիճանը չափազանց բարձր է, կայանները պետք է նվազեցնեն արտադրությունը կամ ժամանակավորապես դադարեցնեն աշխատանքը, որպեսզի շրջակա միջավայր վերադարձվող ջուրը չվնասի գետերի էկոհամակարգերին։
Նշվում է, որ հուլիսի 13-ի դրությամբ Ֆրանսիայի ութ ռեակտորներում ընդհանուր առմամբ շուրջ 6,3 գիգավատ արտադրական հզորություն սահմանափակվել էր, իսկ շոգի պահպանման դեպքում հնարավոր էին նաև լրացուցիչ սահմանափակումներ։
Հաղորդվւմ է նաև, որ այս միջոցառումները կապված չեն ատոմակայանների անվտանգության հետ․ ռեակտորները կարող են անվտանգ աշխատել նաև բարձր ջերմաստիճանների պայմաններում, սակայն արտադրության կրճատումը պահանջվում է շրջակա միջավայրի պահպանության կանոնների պահպանման նպատակով։
