13.07.2026 | 17:29
Շենգավիթը նոր թաղապետ ունի
Սաշա Կատվալյանը նշանակվել է Մալաթիա-Սեբաստիա վարչական շրջանի ղեկավար
Քաղաքականություն
13.07.2026 | 16:21
Երևանի քաղաքապետ Տիգրան Ավինյանի որոշմամբ՝ Սաշա Կատվալյանը նշանակվել է Մալաթիա-Սեբաստիա վարչական շրջանի ղեկավար։ Մինչ այդ նա ղեկավարում էր Երևանի աղբահանության և սանիտարական մաքրման համայնքային հիմնարկը (ԵԱՍՄ)։
«Սիրելի’ երևանցիներ, այսօրվանից դադարեցնում եմ իմ պաշտոնավարումը որպես ԵԱՍՄ համայնքային հիմնարկի տնօրեն և Երևանի քաղաքապետ Տիգրան Ավինյանի որոշմամբ նշանակվել եմ Մալաթիա-Սեբաստիա վարչական շրջանի ղեկավար։
Ի գործ»,- գրել է Կատվալյանը։
Սաշա Կատվալյանը Մալաթիա-Սեբաստիա վարչական շրջանի ղեկավարի պաշտոնը զբաղեցրել էր նաև նախկինում՝ 2022 թվականի մարտից մինչև հոկտեմբեր։ Պաշտոնը թողնելուց հետո նա նշանակվել էր Երևանի քաղաքապետի խորհրդական, ապա՝ «Երևանի աղբահանություն և սանիտարական մաքրում» համայնքային հիմնարկի տնօրեն։
Նշենք, որ օրեր առաջ՝ հուլիսի 10-ին, Մալաթիա-Սեբաստիա վարչական շրջանի ղեկավար Ռոմիկ Մխիթարյանը դադարեցրել էր պաշտոնավարումը։
