ԵՄ-ն և Լոնդոնը պատժամիջոցներ են սահմանել Ռուսաստանի ԱԴԾ հաքերների դեմ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

ԵՄ-ն և դրա անդամ պետությունները դատապարտել են Ռուսաստանի չարամիտ կիբերակտիվությունը և Մոսկվայի կողմից պետական ​​ու ոչ պետական ​​գործիչների՝ հատուկ ծառայություններից մինչև կիբերհանցագործ խմբեր, հաքերներին և մասնավոր ընկերությունների միավորող էկոհամակարգի օգտագործումը։ Այս մասին ասվում է ԵՄ Խորհրդի կողմից հուլիսի 13-ին հրապարակված հաղորդագրության մեջ, գրում է DW-ի ռուսական ծառայությունը։

Ըստ փաստաթղթի՝ ԵՄ-ն պաշտոնապես հայտարարում է, որ Ռուսաստանի ԱԴԾ 16-րդ բաժինը վերահսկում է մի շարք հաքերային խմբեր, այդ թվում՝ «Turla»-ն։ Բրյուսելի տվյալներով՝ ԱԴԾ-ն տարիներ շարունակ իրականացրել է ԵՄ-ի, նրա անդամ պետությունների և միջազգային գործընկերների, այդ թվում՝ Ուկրաինայի դեմ ուղղված լայնածավալ չարամիտ կիբերգործողություններ։ Դրանք, ըստ հաղորդագրության, ներառել են կառավարական ցանցերի ներթափանցում և կարևորագույն ենթակառուցվածքների դիվերսիա։ Տուժած երկրների թվում են Ֆրանսիան, Գերմանիան, Լեհաստանը, Կիպրոսը, Նիդերլանդները, Ավստրիան, Սլովակիան, Ռումինիան և Ֆինլանդիան։

Ֆրանսիայում 16-րդ կենտրոնը կիբերլրտեսություն է իրականացնում ռազմավարական կառավարական կառույցների, իսկ 2025 թվականից՝ պաշտպանական արդյունաբերության դեմ։ Գերմանիայում թիրախավորվել են կառավարական հաստատությունները։ Լեհաստանում 16-րդ բաժինը վերջերս դիվերսիոն գործողություններ է իրականացրել կրիտիկական  ենթակառուցվածքների, այդ թվում՝ ջերմաէլեկտրակայանների դեմ։

Կիբերհանցագործները, ինքնահռչակ հաքերները և Ռուսաստանի հետ կապված մասնավոր ընկերությունները, այդ թվում՝ նրա ցուցումով, նրա օգնությամբ կամ նրա վերահսկողության ներքո գործողները, նույնպես իրականացրել և նպաստել են չարամիտ գործողությունների լայն շրջանակի։ ԵՄ-ն խստորեն դատապարտել է Ռուսաստանի վարքագիծը և այս էկոհամակարգի օգտագործումը՝ հանրային ծառայությունների և կարևորագույն ենթակառուցվածքների վրա հարձակվելու համար, ինչը հանգեցրել է խափանումների և ֆինանսական կորուստների։

Ի պատասխան՝ ԵՄ-ն սահմանափակող միջոցներ է կիրառում 9 անհատների և 4 կազմակերպությունների նկատմամբ: Պատժամիջոցները ներառում են ՌԴ ԳՇ-ի Գլխավոր հետախուզական վարչության (ГРУ) սպաների, կիբերհանցագործների, ինքնահռչակ հաքերների և մասնավոր ընկերությունների դեմ, որոնք օգնում են Ռուսաստանի ջանքերին՝ անկայունացնել ԵՄ-ն, նրա անդամ պետություններին և միջազգային գործընկերներին:

Բրյուսելը ողջունել է Մեծ Բրիտանիայի հետ սերտ համակարգումը պետական ​​և ոչ պետական ​​դերակատարների միջև աճող մերձեցման գնահատման գործում: ԵՄ-ն հայտարարել է, որ կշարունակի ամրապնդել համագործակցությունը միջազգային գործընկերների, այդ թվում՝ ՆԱՏՕ-ի հետ՝ միաժամանակ լիովին հետևելով գլոբալ, ազատ, բաց, կայուն և անվտանգ կիբերտարածության համար համաձայնեցված ուղեցույցներին։

Ռուսաստանի գործողությունները չարամիտ որակելով և պատասխանատուների համար պատժամիջոցներ կիրառելով՝ ԵՄ-ն ընդգծում է կիբերտարածությունում պատասխանատվության նկատմամբ իր հանձնառությունը: Բոլոր պետությունները, այդ թվում՝ Ռուսաստանը, պետք է հետևեն կիբերտարածությունում պատասխանատու պետական ​​վարքագծի ՄԱԿ-ի շրջանակին և համապատասխանեն միջազգային իրավունքին, ասվում է հաղորդագրության մեջ։

Մեծ Բրիտանիան ևս պատժամիջոցներ է կիրառել ռուսաստանցի հաքերների դեմ։ Պատժամիջոցների ցանկում ներառված են 24 անհատներ և իրավաբանական անձինք։

«Ռուսական  պետությունը և նրա հանցավոր ցանցերը պատասխանատու են կիբերհարձակումների, ընտրություններին միջամտության և Եվրոպայում հակաուկրաինական չարամիտ նարատիվների տարածման համար»,- հայտարարել է Մեծ Բրիտանիայի արտաքին գործերի նախարարությունը։

Թարգմանությունը՝ Էմմա Չոբանյանի