21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Թայլանդում փաբում հրդեհի հետևանքով առնվազն 27 մարդ է զոհվել
Քաղաքականություն
13.07.2026 | 14:40
Հուլիսի լույս 13-ի գիշերը Թայլանդի մայրաքաղաք Բանգկոկի Rong Beer Na Lat Phrao փաբում բռնկված հրդեհի հետևանքով առնվազն 27 մարդ է զոհվել, գրում է DW-ի ռուսական ծառայությունը։
63 մարդ հոսպիտալացվել է, որոնցից 22-ը ծանր վիճակում են, հաղորդում է AP-ն: Սոցիալական ցանցերում շրջանառվող տեսանյութերում երևում են խուճապահար մարդիկ, որոնք դուրս են վազում դռնից, երբ կրակը սկսում է տարածվել։
Հրդեհի պատճառն անհայտ է։ Փաբում ելույթ ունեցող երաժիշտը հայտնել է, որ լույսերը մարելուց առաջ բեմի մոտ գտնվող անջատիչից ծուխ է նկատել, որին հաջորդել է պայթյուն, և սենյակը արագ լցվել է խիտ ծխով։
«Հրդեհը շատ արագ տարածվել է՝ հասնելով առաստաղին։ Ծխից թունավորումը, հավանաբար, մահվան հիմնական պատճառն է»,- լրագրողներին ասել է Բանգկոկի նահանգապետ Չադչարտ Սիտիպունտը։
Նրա խոսքով՝ մարմինների մի մասը հայտնաբերվել է շենքի ներսում՝ հրդեհային ելքի դիմաց, որը, ըստ երևույթին, փակ է եղել։ Հրդեհի բռնկման պահին ներսում գտնվող մարդկանց ճշգրիտ թիվը հայտնի չէ։
Թարգմանությունը՝ Էմմա Չոբանյանի
