02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Apple-ը դատի է տվել OpenAI-ին՝ մեղադրելով ընկերությանը առևտրային գաղտնիքներ գողանալու մեջ
Քաղաքականություն
11.07.2026 | 17:45
Apple-ը դատական հայց է ներկայացրել OpenAI-ի դեմ՝ մեղադրելով ընկերությանը կորպորատիվ և առևտրային գաղտնիքների ապօրինի ձեռքբերման փորձերի մեջ։ Այս մասին հայտնում է The New York Times-ը։
Հայցի համաձայն՝ OpenAI-ի հավաքագրման մասնագետները Apple-ի աշխատակիցների հետ աշխատանքի ընդունման հարցազրույցների ընթացքում նրանց խնդրել են բացահայտել Apple-ի գաղտնի նախագծերի մանրամասները, ինչպես նաև ներկայացնել մշակման փուլում գտնվող սարքերի բաղադրիչներ և նախատիպեր։
Հայցում որպես պատասխանող նշված է նաև OpenAI-ի ապարատային ապահովման բաժնի ղեկավար Թան Թանը, որը մինչև 2024 թվականն աշխատել է Apple-ում։ Ըստ Apple-ի՝ ընկերությունից հեռանալուց մի քանի ամիս առաջ նա OpenAI-ին է փոխանցել Apple-ի մատակարարների վերաբերյալ գաղտնի տեղեկատվություն։
Apple-ը նշում է, որ դեռևս փետրվարին սկսել էր ներքին հետաքննություն և նախազգուշացրել OpenAI-ին հնարավոր առևտրային գաղտնիքների արտահոսքի մասին, սակայն, ըստ հայցի, ընկերությունից որևէ պատասխան չի ստացել։
OpenAI-ը մերժել է մեղադրանքները։ Ընկերության հայտարարության մեջ ասվում է. «Մեզ չեն հետաքրքրում այլ ընկերությունների առևտրային գաղտնիքները»։
OpenAI-ն նախատեսում է մրցակցել Apple-ի հետ սպառողական սարքերի շուկայում։ 2025 թվականին ընկերությունը 6,5 միլիարդ դոլարով ձեռք է բերել IO դիզայնի ստուդիան, որը հիմնադրել էր Apple-ի նախկին գլխավոր դիզայներ Ջոնի Այվը, և այդ ժամանակից ի վեր ակտիվորեն աշխատանքի է հրավիրում Apple-ի նախկին աշխատակիցներին։
