10.07.2026 | 16:46
Ստամբուլի հայկական գերեզմանատան դամբարանները վնասելու մեջ կասկածվողը ձերբակալվել է
ՌԴ-ի կողմից ուկրաինական պատերազմում ավելի քան 3500 օտարերկրացի է զոհվել
Քաղաքականություն
10.07.2026 | 15:45
Ռուս-ուկրաինական պատերազմի ժամանակ Ռուսաստանի կողմից կռվող ավելի քան 3500 օտարերկրացի է զոհվել։ Այս մասին պարզել են BBC-ի լրագրողները, որոնք Mediazona-ի հետ համատեղ կազմում են զոհվածների անունների ցուցակը, գրում է Meduza-ն։
Զոհված օտարերկրացիների թվում են 2304 հյուսիսկորեացի զինվորներ, որոնց ինքնությունը պարզվել է BBC-ի կորեական ծառայության կողմից՝ Փհենյանում պատերազմի նոր հուշարձանի արբանյակային պատկերների և լուսանկարների ուսումնասիրությունից հետո։
Մահացածներից ևս 1285-ն ավելի քան 40 երկրներից են, որոնց թվում են ԱՊՀ երկրները (Ուզբեկստան, Տաջիկստան, Ադրբեջան), աֆրիկյան պետություններ և ավելի հեռավոր երկրներ՝ Կուբա, Նեպալ, Հնդկաստան, Շրի Լանկա ու Եմեն:
ՆԱՏՕ-ի տվյալներով՝ ռուսական բանակում կռվում են շուրջ 24,000 օտարերկրյա վարձկաններ 44 երկրներից։ Այս մասին Անկարայի գագաթնաժողովում BBC-ի ռուսական ծառայությանը հայտնել է ՆԱՏՕ-ի բարձրաստիճան պաշտոնյան։ Նա ասել է, որ մեծամասնությունն աֆրիկյան երկրներից է։
Ռուսական կողմից զոհված զինվորների անունների ցանկը, որը վարում են լրագրողները, ներկայում ներառում է 233,033 անուն։
