10.07.2026 | 14:07
Իսպանիայի հարավում անտառային հրդեհների հետևանքով առնվազն 12 մարդ է զոհվել․ ՏԵՍԱՆՅՈՒԹ
ՌԴ-ն 137 ԱԹՍ-ներով գրոհել է Ուկրաինան․ զոհեր և վիրավորներ կան
Քաղաքականություն
10.07.2026 | 13:19
Հուլիսի լույս 10-ի գիշերը ռուսական ուժերն Ուկրաինայի ուղղությամբ 137 անօդաչու թռչող սարք են արձակել, որոնցից ուկրաինական ուժերը խոցել են 114-ը։ Այս մասին հայտնում են Ուկրաինայի ռազմաօդային ուժերը, գրում է Current time-ը։
Խարկովի մարզ
Վալկի քաղաքում հարձակման հետևանքով զոհվել է 50-ամյա կին, երեք վիրավոր կա, հայտնել է տարածաշրջանային ռազմական վարչակազմի ղեկավար Օլեգ Սինեգուբովը։ Տուծածներից մեկը՝ 23-ամյա կին, տեղափոխվել է հիվանդանոց։ Վնասվել են հինգ մասնավոր տներ և երկու օժանդակ շինություններ։
Դնեպրոպետրովսկի մարզ
Նիկոպոլի շրջանում 36-ամյա տղամարդ է վիրավորվել: Սամարովսկի և Պավլոգրադի շրջաններում այրվել են բենզալցակայաններ: Պավլոգրադում վնասվել են մասնավոր տներ, այրվել է մեկ մեքենա, հայտնել է ռազմական վարչակազմի ղեկավար Ալեքսանդր Գանժան։
Բացի այդ, ռուսական զորքերը մեկ օրում ավելի քան հազար հարված են հասցրել Զապորոժիեի շրջանին, հայտարարել է Զապորոժիեի շրջանային վարչակազմի ղեկավար Իվան Ֆյոդորովը։ Ըստ նրա՝ մեկ մարդ զոհվել է, ևս 12-ը՝ վիրավորվել։
Թարգմանությունը՝ Էմմա Չոբանյանի
