05.11.2026 | 18:50
Ալիևը պիտի ասի մամայի արև, պապայի արև, Փաշինյանն էլ դա երեշխիք անվանի՞. Արթուր Խաչատրյան. ՏԵՍԱՆՅՈՒԹ
Ստամբուլում վնասել են հայկական գերեզմանատան դամբարանները
Քաղաքականություն
09.07.2026 | 20:52
Հուլիսի 7-ի լույս 8-ի գիշերը Ստամբուլում վնասել են Սկյութարի Սուրբ Կարապետ եկեղեցու գերեզմանատան դամբարանները։ Պոլսի Հայոց պատրիարքարանը հայտնում է, որ անհայտ անձը վնասել է 6 դամբարան և մեկ աղբյուր։
«Դեպքը խորապես վիրավորել է համայնքի անդամներին, մասնավորապես, նրանց, որոնց սիրելիների դամբարանները գտնվում են սույն գերեզմանատանը»,- ասվում է Պատրիարքարանի հայտարարության մեջ։
Նշվում է, որ թաղային խորհուրդն անմիջապես դիմել է պատկան մարմիններին, որոնք անձի ինքնությունը պարզելու և նրան արդարադատությանը հանձնելու քայլեր են ձեռնարկում։
Պատրիարքարանը դատապարտել է համայնքի սրբազան արժեքների դեմ գործած հարձակումը, միաժամանակ, հույս հայտնել, որ հանցագործը կհանձնվի արդարադատությանը։
Թարգմանությունը՝ Էմմա Չոբանյանի
