Չեմ տեսել, գաղափար չունեմ ինչի մասին եք խոսում. Փաշինյանը` Ծառուկյանին գետնին գցելու կադրերի մասին․ ՏԵՍԱՆՅՈՒԹ

Վարչապետ Նիկոլ Փաշինյանը հայտարարել է, որ չի տեսել Գագիկ Ծառուկյանին գետնին տապալելու տեսանյութը, և դա իրեն չի հետաքրքրում՝ միաժամանակ վերահաստատելով, որ նախկինում տրված «ասֆալտին փռելու» հրահանգները պետք է դառնան իրականություն։

Անդրադառնալով երկրի ներքին և արտաքին օրակարգին՝ վարչապետը նշել է, որ նոր Սահմանադրության տեքստը նախատեսվում է հրապարակել մինչև տարվա վերջ։

«Հապաղումը նրանում էր, որ «Քաղաքացիական պայմանագիր» կուսակցության վարչության անդամները, երբ որ մենք քննարկում ունեցանք, նրանցից շատերն ունեին առաջարկներ։ Մենք հասկացանք, որ այդ առաջարկները, քանի որ նախընտրական շրջան է մոտենում, հանդարտ աշխատանքային պայմաններում չենք կարողանալու քննարկել, և որոշեցինք, որ առաջարկների ժամկետը հետաձգենք ընտրություններից հետո, որպեսզի այդ առաջարկները հանդարտ պայմաններում կարողանանք քննարկել։ Չստացվի, որ առանց պատշաճ քննարկումների ներթիմային ինչ-որ տարբերակ է հրապարակվել։ Հիմա այդ ժամկետը սպառվել է, առաջարկները քննարկվել են։ Վերջին անգամ, երբ որ մենք խոսում էինք, մի առաջարկ է, եթե չեմ սխալվում, մնացել, որի շուրջ պետք է որոշում կայացնենք, որից հետո կհրապարակենք տեքստը»,- ասել է նա։

Բացի այդ, Փաշինյանը մանրամասներ է ներկայացրել սահմանազատման գործընթացից և անկլավների հարցից՝ ընդգծելով, որ Ադրբեջանի դրամի և անձնագրերի քարտեզներում հայկական Արծվաշենն արտահայտված է որպես Ադրբեջանին դե յուրե չպատկանող տարածք։ Կառավարության ղեկավարը վերահաստատել է Հայաստանի հավատարմությունը 1991թ. Ալմա-Աթայի հռչակագրին և 29,743 քառակուսի կիլոմետր տարածքային ամբողջականության սկզբունքին։

«Սահմանազատման հանձնաժողովների կանոնակարգով մենք կարող ենք համաձայնությամբ սահմանի օպտիմալացումներ իրականացնել։ Օրինակ՝ երկուսս էլ ունենք իրավիճակ, երբ դեպի մեր բնակավայրեր գնացող ճանապարհը անցնում է Խորհրդային Միության անկլավային տարածքի միջով։ Խաղաղության տրամաբանությունը ուրիշ բան է, կոնֆլիկտի տրամաբանությունը՝ ուրիշ։ Կոնֆլիկտի տրամաբանությունն այն է, որ ով ինչ վերցրեց՝ իրենն է, բայց մենք հրաժարվել ենք դրանից»,- նշել է նա։

Մանրամասները՝ տեսանյութում։