28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Իրանը հայտնել է վերջին երկու օրերին ԱՄՆ հարվածների հետևանքով 14 զոհի և 78 վիրավորի մասին
Քաղաքականություն
09.07.2026 | 12:45
Իրանի առողջապահության նախարարությունը հայտարարել է, որ վերջին երկու օրերի ընթացքում ԱՄՆ-ի հարվածների հետևանքով զոհվել է 14 մարդ, վիրավորվել՝ 78-ը, գրում է CNN-ը։
ԱՄՆ Կենտրոնական հրամանատարության (CENTCOM) տվյալներով՝ ամերիկյան ուժերը վերջին փուլում հարվածել են Իրանի տարածքում գտնվող ավելի քան 90 թիրախների։ Իրանական լրատվամիջոցները հաղորդել են պայթյունների և հարվածների մասին երկրի հարավային ափի քաղաքներում, ինչպես նաև Կասպից ծովի ափին գտնվող Գոլեստան նահանգում։
Իրանական պետական լրատվամիջոցների հաղորդմամբ՝ Օմանի ծոցի հյուսիսային ափին գտնվող Չաբահար նավահանգստային քաղաքում, որը գտնվում է Պակիստանի հետ Իրանի սահմանի մոտ, էլեկտրաէներգիայի անջատումներ և պայթյուններ են տեղի ունեցել: Թիրախում հայտնվել են հիվանդանոց, ինչպես նաև երկու նավամատույց և ծովային երթևեկության կառավարման աշտարակ:
Հարավ-արևելքում գտնվող Իրանշահր քաղաքում էլ օդանավակայանի վրա հարձակման հետևանքով վնասվել են օդային երթևեկության կառավարման շենքը և օդերևութաբանական կայանը, զոհվել է հրշեջ, հաղորդում են իրանական լրատվամիջոցները։
Պայթյուններ են լսվել Բուշեհր նավահանգստային քաղաքում։ ՄԱԿ-ում Իրանի դեսպան Ամիր Սաիդ Իրավանին ասել է, որ ԱՄՆ հարվածները թիրախավորել են քաղաքում գտնվող օբյեկտները և Պարսից ծոցի կղզիները։ Կիսապաշտոնական Tasnim լրատվական գործակալության տվյալներով՝ արկերը հարվածել են նաև Բանդար Աբբաս ափամերձ քաղաքին։
Հաղորոդվում են հարվածների և պայթյունների մասին Պարսից ծոցի Աբու Մուսա կղզում, Հորմուզի նեղուցի մոտ, ինչպես նաև Սիրիկ, Ջասկ և Քոնարակ ափամերձ հարավային քաղաքներում։
Իրանի հյուսիսային Գոլեստան նահանգի Աքքալա քաղաքի երկաթուղային կամրջին նույնպես հարված է հասցվել։ Չնայած CENTCOM-ը հայտարարել է, որ հարվածներ է հասցրել Իրանի ափամերձ գծին, այն չի հիշատակվել Իրանի հյուսիսում որևէ հարվածի մասին։
Իրանի հարավ-արևմտյան Խուզեստան նահանգի Ահվազ քաղաքի մոտակայքում երեք մարդ է զոհվել, մի քանի մարդ վիրավորվել է։
Պետական լրատվամիջոցները հայտնել են, որ երեկ Բանդար Աբբասի և Բուշերի վրա հասցված հարվածների հետևանքով զոհվել է Իրանի ռազմաօդային ուժերի և նավատորմի ութ անդամ։
Թարգմանությունը՝ Էմմա Չոբանյանի
