27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Փեզեշքիանը հայերեն գրառմամբ երախտագիտություն է հայտնել Նիկոլ Փաշինյանին Խամենեիի հրաժեշտի արարողությանը մասնակցելու համար
Քաղաքականություն
09.07.2026 | 10:05
Իրանի նախագահ Մասուդ Փեզեշքիանը երախտագիտություն է հայտնել ՀՀ վարչապետ Նիկոլ Փաշինյանին երկրի հանգուցյալ գերագույն հոգևոր առաջնորդ Ալի Խամենեիի հրաժեշտի արարողությանը մասնակցելու համար։
«Երախտագիտություն եմ հայտնում Հայաստանի վարչապետ պարոն Նիկոլ Փաշինյանին՝ նահատակված գերագույն առաջնորդի հրաժեշտի արարողությանը և պետական հուղարկավորությանը մասնակցելու համար»,- նշել է Փեզեշքիանը X-ի իր միկրոբլոգում և հայերենով ուղերձ հրապարակել։
«Ի սրտե երախտագիտությունս եմ հայտնում մեծարգո պարոն Նիկոլ Փաշինյանի և նրան ուղեկցող բարձրաստիճան պատվիրակության ներկայության, ինչպես նաև Հայաստանի Հանրապետության ժողովրդի և կառավարության անունից մեծարգո վարչապետի կողմից արտահայտած ցավակցության համար։ Մենք երբեք չենք մոռանա այս բարի կամքի դրսևորումը: Հույս ունեմ, որ Իրանի և Հայաստանի երկու վեհ ժողովուրդների միջև պատմական ու բարեկամական հարաբերությունները, որոնք մշտապես հիմնված են եղել փոխադարձ շահերի, բարիդրացիության սկզբունքի և փոխադարձ հարգանքի վրա, կշարունակեն էլ ավելի առավել զարգանալ։ Մեր նահատակ Առաջնորդը մշտապես ընդգծում էր Հայաստանի հետ Հանրապետության հարաբերությունների ամրապնդման կարևորությունը և Հայաստանն անվանում էր «ազնիվ հարևան»: Մեր քաղաքականությունը երկկողմ հարաբերությունների համակողմանի ամրապնդումն ու զարգացումն է»,- մասնավորապես, ասվում է ուղերձում։
Թարգմանությունը՝ Էմմա Չոբանյանի
