08.07.2026 | 21:35
Բասկետբոլի Հայաստանի Մ16 հավաքականը երրորդ անընդմեջ հաղթանակն է տարել Երևանում ընթացող Եվրոպայի առաջնությունում
Ռուսաստանն արգելել է դիզելային վառելիքի արտահանումը
Քաղաքականություն
08.07.2026 | 20:33
Ռուսաստանի իշխանությունները հուլիսի 8-ից արգելել են դիզելային վառելիքի արտահանումը։ Meduza.io-ի փոխանցմամբ՝ այս մասին կառավարության նիստում հայտարարել է ՌԴ փոխվարչապետ Ալեքսանդր Նովակը։
Նրա խոսքով՝ հուլիսից Ռուսաստանը նաև սկսել է վառելիքի ներմուծում այլ երկրներից։ Նովակը նշել է, որ ավտոլցակայաններում ստեղծված իրավիճակը մտահոգություն է առաջացնում քաղաքացիների շրջանում, և կառավարությունը լրացուցիչ քայլեր է ձեռնարկում շուկան կայունացնելու նպատակով։
Դիզելային վառելիքի արտահանման արգելքի հնարավորության մասին ռուսական լրատվամիջոցները հայտնել էին դեռևս մայիսի վերջին։ Այդ ժամանակ նշվում էր, որ նման քայլը քննարկվում է, թեև շուկայում դիզելային վառելիքի պակաս չէր արձանագրվում։
Ռուսաստանում վառելիքային ճգնաժամը սրվել է մայիսի վերջից՝ Ուկրաինայի կողմից ռուսական նավթավերամշակման գործարանների վրա իրականացված հարվածների ֆոնին։ Հաղորդվում է, որ թիրախավորվել են երկրի խոշոր նավթավերամշակման ձեռնարկությունները։
