08.07.2026 | 20:47
Թրամփը սպառնում է չորեքշաբթի երեկոյան Իրանի դեմ նոր հարվածներով
Թրամփը վստահություն է հայտնել, որ կարող է հաշտեցնել ՌԴ-ին և Ուկրաինային, «ինչպես արել է Հայաստանի ու Ադրբեջանի դեպքում»
Քաղաքականություն
08.07.2026 | 20:08
ԱՄՆ նախագահ Դոնալդ Թրամփը վստահություն է հայտնել, որ կարող է հասնել Ռուսաստանի և Ուկրաինայի միջև հաշտեցման, ինչպես նախկինում արել է Ադրբեջանի և Հայաստանի միջև հարաբերությունների հարցում։ Թրամփը նման հայտարարություն է արել Անկարայում ՆԱՏՕ-ի գագաթնաժողովի շրջանակում Ուկրաինայի նախագահ Վլադիմիր Զելենսկիի հետ հանդիպման ժամանակ։
«Կարծում եմ՝ [Կիևի և Մոսկվայի միջև] համաձայնության կհասնենք։ Մեզ հաջողվել է համաձայնությունների հասնել»,- ասել է Թրամփը։
Նա որպես օրինակ բերել է Հայաստանի ու Ադրբեջանի միջև 32-ամյա հակամարտությունը, որը նրան «հաջողվել է կարգավորել»։
Պատասխանելով հարցին՝ արդյո՞ք կա ժամկետ, որի ընթացքում հույս ունի համաձայնության հասնել Ուկրաինայի և Ռուսաստանի միջև, Թրամփը պատասխանել է, որ ժամկետ չունի. «Ոչ, ես որևէ ժամկետ չունեմ։ Այստեղ ժամկետներ չեք կարող սահմանել, չափազանց շատ բան է խաղադրույքի դրված»։
Ավելին, ԱՄՆ նախագահը հայտարարել է Ուկրաինա այցելելու իր ծրագրերի մասին։
«Այո, ես կգնայի։ Չնայած ես կնախընտրեի, որ պատերազմն այդ ժամանակ ավարտված լիներ։ Վստահ չեմ, որ Գաղտնի ծառայությունը կուրախանար նման ուղևորությամբ։ Կարծում եմ՝ այնտեղ մարդիկ ծանր վիճակում են։ Լավ կլիներ հասնել Կիև, նախքան քաղաքն ավելի շատ վնասներ կկրի։ Անկեղծ ասած՝ դա շատ գեղեցիկ քաղաք է։ Այո, ես կգնամ Ուկրաինա, երբ ժամանակը գա»,- հավելել է ամերիկացի առաջնորդը։
Թարգմանությունը՝ Էմմա Չոբանյանի
