05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Թրամփը սպառնում է չորեքշաբթի երեկոյան Իրանի դեմ նոր հարվածներով
Քաղաքականություն
08.07.2026 | 20:47
ԱՄՆ նախագահ Դոնալդ Թրամփը հիասթափություն է արտահայտել իրանցի առաջնորդների նկատմամբ՝ սպառնալով նոր հարվածներով։
«Մենք երեկ գիշեր շատ ուժեղ հարվածեցինք նրանց, շատ հավանական է, որ այսօր երեկոյան կրկին ուժեղ հարված կհասցնենք։ Նրանք Մերձավոր Արևելքի բռնակալն են եղել, բայց նրանք այլևս բռնակալ չեն»,- ասել է նա ՆԱՏՕ-ի գագաթնաժողովում։
Թրամփի խոսքերը հնչում են մի քանի ժամ անց այն բանից, երբ նա հայտարարել էր ԱՄՆ-ի կողմից Իրանի հետ «հրադադարի ավարտի» մասին՝ Հորմուզի նեղուցի մոտ առևտրային նավերի վրա իրանական հարձակումներից հետո, չնայած նա նշել էր, որ թույլ կտա շարունակել բանակցությունները։
ԱՄՆ նախագահը, միաժամանակ, պնդել է, որ Իրանի առաջնորդներն անընդհատ մոլորեցրել են իրեն՝ բանակցային նիստերի ժամանակ բաց լինելով խաղաղության համաձայնագրի համար, որպեսզի հետագայում հետ կանգնեն իրենց խոսքից։
«Նրանք կհամաձայնվեն ամեն ինչի շուրջ, ապա կգնան մամուլի ասուլիսի և կասեն, որ մենք երբեք չենք խոսել դրա մասին»,- ասել է Թրամփը։
Նա հավելել է, որ ինքը «դժգոհ» է ռեժիմից՝ ասելով, որ այժմ մտածում է չորեքշաբթի երեկոյան նոր հարձակումների մասին։
«Մենք կարող ենք այսօր երեկոյան նրանց դեմ պայքարել, բայց կտեսնենք, թե ինչպես կզարգանա ամեն ինչ»,- հայտարարել է նա։
Թարգմանությունը՝ Էմմա Չոբանյանի
