21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
ՔԿ նախագահը ժամացույց է նվիրել ՊՊԾ պետին
08.07.2026 | 14:18
ՊՊԾ պետ Արթուր Գասպարյանը ՔԿ նախագահ Արթուր Պողոսյանից նվեր է ստացել։ Այս մասին Factor.am-ը տեղեկանում է Գասպարյանի՝ ԿԿՀ ներկայացրած պաշտոնյայի նվերների հանձման ձևաթղթից։
Արթուր Պողոսյանը ՔԿ-ի գործունեությանն օժանդակելու և պետական պահպանության ծառայության կազմավորման տոնի կապակցությամբ ՊՊԾ պետին 92,000 դրամ արժողությամբ քվարցային մեխանիզմով ժամացույց (AWI 2496.4) է նվիրել։
Նվերի նկարագրության մեջ նշված է, որ ժամացույցի մեխանիզմը արտադրված է Ճապոնիայում, չափսերը՝ 39.2 × 45.0 × 10.9 մմ։
«Չժանգոտվող պողպատից պատյան՝ մեղրագույն ոսկու PVD ծածկույթով։ Ջրակայունությունը՝ 3 մթնոլորտ։ Գոտին՝ բնական կաշվից»,- գրված է ԿԿՀ ներկայացրած ձևաթղթում։
Հիշեցնենք, որ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
