28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Թրամփը հայտարարել է, որ Իրանի հետ հրադադարն ավարտվել է
Քաղաքականություն
08.07.2026 | 13:49
ԱՄՆ նախագահ Դոնալդ Թրամփը հայտարարել է, որ Իրանի հետ հրադադարը գործնականում չի գործում։ Նա այս հայտարարությունն արել է Անկարայում ՆԱՏՕ-ի գագաթնաժողովում դաշինքի գլխավոր քարտուղար Մարկ Ռյուտեի հետ հանդիպմանը՝ պատասխանելով լրագրողների հարցին, հաղորդում է BBC News-ը։
«Կարծում եմ՝ այն ավարտվել է։ Ես այլևս չեմ ուզում նրանց հետ գործ ունենալ։ Նրանց հետ գործ ունենալը պարզապես ժամանակի վատնում է, նրանք ստախոսներ են»,- հայտարարել է Թրամփը։
Նա ասել է, որ երկու կողմերի բանակցողները «կարող են խոսել», բայց «վատնում են իրենց ժամանակը»։
«Անկեղծ ասած՝ ես չեմ ուզում ժամանակս վատնել նրանց հետ»,- հավելել է ԱՄՆ նախագահը։
Թրամփն Իրանին անվանել է «կեղտոտ խաղացողներ»՝ Հորմուզի նեղուցում առևտրային նավերը թիրախավորելու և հրադադարը խախտելու համար։
ԱՄՆ նախագահի վերջին մեկնաբանությունները հաջորդում են Իսլամական հեղափոխության պահապանների կորպուսի հայտարարություններին, որ հարվածներ են հասցրել Բահրեյնում և Քուվեյթում ԱՄՆ ռազմական օբյեկտներին՝ ի պատասխան Իրանի վրա ԱՄՆ հարվածների։
Թարգմանությունը՝ Էմմա Չոբանյանի
