28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Քաջարան-Ագարակ ճանապարհահատվածում առաջին անգամ կիրառվում է կամուրջների հեծանների մոնտաժման նոր տեխնոլոգիա
08.07.2026 | 11:49
Հյուսիս-հարավ ճանապարհային միջանցքի Քաջարան-Ագարակ 32 կմ ճանապարհահատվածի կառուցման ընթացքում կամուրջների հեծանների մոնտաժն իրականացվում է կախովի հեծանատեղադրիչ կայանքի (Launching Gantry) միջոցով, որը Հայաստանում կիրառվում է առաջին անգամ։ «Ճանապարհային դեպարտամենտ» հիմնադրամի տեղեկացմամբ՝ նոր տեխնոլոգիան ապահովում է շինարարական աշխատանքների բարձր ճշգրտություն և անվտանգություն, իսկ ծրագրի ավարտից հետո ճանապարհը կհամապատասխանի միջազգային չափանիշներին։
«Հյուսիս-հարավի Քաջարան-Ագարակ 32կմ ճանապարհահատվածի կառուցման ծրագրի շրջանակներում կամուրջների հեծանների մոնտաժման աշխատանքներն իրականացվում են կախովի հեծանատեղադրիչ կայանքի (Launching Gantry) միջոցով։
Այս մեթոդը Հայաստանում կիրառվում է առաջին անգամ՝ ապահովելով շինարարական աշխատանքների բարձր ճշգրտություն և անվտանգություն։
Նշենք, որ Քաջարան-Ագարակ ճանապարհահատվածի կառուցումն ընթանում է մեծ տեմպերով։ Կառուցվում է II տեխնիկական կարգի 32կմ երկարությամբ ճանապարհ։
Արդյունքում երթևեկության ներկայիս 50 կմ/ժ միջին արագությունը կավելանա մինչև 80 կմ/ժ-ի, ուղևորության ժամանակը կկրճատվի 35-40 րոպեով։ Ծրագիրը ներառում է նաև 5 նոր տրանսպորտային հանգույցների, 6 նոր վերգետնյա անցումների, մոտ 920 մետր ընդհանուր երկարությամբ 2 նոր թունելների և 15 նոր կամուրջների կառուցում։
Կառուցումից հետո ճանապարհը կհամապատասխանի միջազգային առաջադեմ չափանիշներին:
Ծրագիրն իրականացվում է Կայունացման և զարգացման եվրասիական հիմնադրամի և ՀՀ կառավարության համաֆինանսավորմամբ։
Հյուսիս-հարավ ճանապարհային միջանցքի ներդրումային ծրագիրն իրականացվում է «Ճանապարհային դեպարտամենտ» հիմնադրամի կողմից»,- ասված է հաղորդագրությունում։
