07.07.2026 | 23:20
«Ընտրական կոռուպցիայի ծանր ժառանգություն»․ ՍԴ-ի գնահատականը ԱԺ ընտրությունների գործով
Թուրքական Roketsan-ն Ադրբեջանում կստեղծվի ձեռնարկություն, որը ներդրում կունենա հրթիռների արտադրության ոլորտում
Քաղաքականություն
07.07.2026 | 22:03
Ադրբեջանում կստեղծվի ձեռնարկություն, որը զգալի ներդրում կունենա հրթիռների արտադրության ոլորտում։ Այս մասին Անկարայում ադրբեջանական իշխանական APA-ի լրագրողի հետ զրույցում հայտարարել է թուրքական պաշտպանական Roketsan ընկերության գործադիր տնօրեն Մուրատ Իքինջին։
Նրա խոսքով՝ ընկերության ներդրումային նախագիծն Ադրբեջանում ներառում է նոր օբյեկտի շահագործման հանձնումը, որը զգալի ներդրում կունենա հրթիռների արտադրության մեջ։ Իքինջին ասել է, որ Roketsan-ը նաև մի շարք հաջող համատեղ նախագծեր է իրականացնում Ադրբեջանի ռազմաօդային ուժերի և ցամաքային զորքերի հետ։
«Roketsan-ը հանձնառու է Ադրբեջանում իրականացնել շատ կարևոր պաշտպանական արդյունաբերության նախագծեր։ Ներկայում մենք ունենք ներդրումային նախագիծ, որը շարունակում ենք իրականացնել։ Այս նախագծի շնորհիվ մենք Ադրբեջանում շահագործման կհանձնենք օբյեկտ, որը զգալի ներդրում կունենա հրթիռների արտադրության մեջ։ Մենք համագործակցում ենք բազմաթիվ ընկերությունների հետ, ստեղծում ենք ենթակառուցվածքներ, որոնք կապահովեն նմանատիպ արտադրանքի արտադրությունն Ադրբեջանում և կնպաստեն երիտասարդ ադրբեջանցի ինժեներների ու տեխնիկական մասնագետների վերապատրաստմանը»,- հայտարարել է նա։
Թարգմանությունը՝ Էմմա Չոբանյանի
