27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Արարատում ապօրինի ընդերքօգտագործման գործերով ավելի քան 30 մլն դրամի վնաս է վերականգնվել
Հասարակություն
07.07.2026 | 17:57
Դատախազական ներգործության արդյունքում 2026 թվականի երկրորդ եռամսյակում Արարատի մարզում ապօրինի ընդերքօգտագործում իրականացրած ընկերություններից վերականգնվել է պետությանը և համայնքին պատճառված ավելի քան 30 մլն դրամի վնաս։ Նույն ժամանակահատվածում ընդերքի պահպանման և օգտագործման պահանջները խախտելու, ինչպես նաև հողը փչացնելու առերևույթ դեպքերով նախաձեռնվել է 3 քրեական վարույթ։
«Արարատի մարզում ապօրինի ընդերքօգտագործում իրականացնող ընկերությունների կողմից, դատախազական ներգործության արդյունքում, 2026 թվականի երկրորդ եռամսյակում, վերականգնվել է ավելի քան 30 միլիոն դրամի վնաս:
Նշված ժամանակահատվածում Արարատի մարզում տարբեր ընկերությունների կողմից ընդերքի պահպանման և օգտագործման՝ Հայաստանի Հանրապետության օրենսդրությամբ սահմանված պահանջները խախտելու, ինչպես նաև հողը փչացնելու առերևույթ դեպքերի փաստերով նախաձեռնվել է 3 քրեական վարույթ։
Քրեական վարույթների շրջանակում դատախազների կողմից հարուցվել են հանրային քրեական հետապնդումներ, ինչպես նաև դատախազական ներգործության արդյունքում, պետությանը և համայնքին պատճառված վնասից վերականգնվել է ընդհանուր 30 միլիոն 121 հազար դրամը:
Քրեական վարույթներով նախաքննությունն ընթացքի մեջ է»,- ասված է ՀՀ գլխավոր դատախազության տարածած հաղորդագրությունում։
