06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Պայթյուններ Դամասկոսում այն հյուրանոցի մոտ, որտեղ իջևանել է Էմանուել Մակրոնը
Քաղաքականություն
07.07.2026 | 12:23
Սիրիայի մայրաքաղաք Դամասկոսում պայթյուններ են տեղի ունեցել, երբ Ֆրանսիայի նախագահ Էմանուել Մակրոնը հանդիպում էր անցկացնում իր սիրիացի գործընկեր Ահմադ ալ-Շարաայի հետ, գրում է France 24-ը։
Մակրոնը ժամանել է նախագահական պալատ՝ ալ-Շարաայի հետ հանդիպման, երբ պայթյուններ են տեղի ունեցել «Four Seasons» հյուրանոցի մոտ։ Սիրիական լրատվամիջոցները հաղորդել են, որ Մակրոնը հենց այս հյուրանոցում է իջևանել։
Սոցիալական ցանցերում տարածված կադրերում երևում են այրվող մեքենա և փողոցում արյան հետքեր։ Տուժողների թիվը պարզ չէ։
Ոչ մի խմբավորում անմիջապես չի ստանձնել միջադեպի պատասխանատվությունը։
Այս միջադեպը տեղի է ունենում Դամասկոսում Արդարադատության պալատի մոտ գտնվող սրճարանում պայթուցիկ սարքի հետ կապված միջադեպից մի քանի օր անց, որի հետևանքով զոհվել էր առնվազն 10, վիրավորվել՝ 20 մարդ։
Ելիսեյան պալատը հայտնել է, որ պայթյունները նախագահական ավտոշարասյունից լսելի չեն եղել, իսկ Մակրոնին ուղեկցող լրատվամիջոցների ներկայացուցիչները որևէ իրարանցում չեն նկատել Ֆրանսիայի նախագահի մասնակցությամբ առավոտյան միջոցառումների ժամանակ։
Թարգմանությունը՝ Էմմա Չոբանյանի
