20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Հայաստանի եւ Սերբիայի ռազմաուսումնական հաստատությունների միջև համագործակցությունը կշարունակվի. ՊՆ
Քաղաքականություն
29.11.2018 | 20:35
Ճանաչողական այցով Սերբիայում էր ՀՀ ՊՆ պատվիրակությունը։ Այս մասին հայտնում են ՀՀ ՊՆ լրատվական ծառայությունից։
Նոյեմբերի 27-29-ը ՀՀ ՊՆ պատվիրակությունը` ՊՆ մարշալ Ա.Խանփերյանցի անվան ռազմական ավիացիոն համալսարանի պետի տեղակալի գլխավորությամբ, ճանաչողական այցով մեկնել է Բելգրադ:
Այցի ընթացքում ՀՀ ՊՆ պատվիրակությունը ծանոթացել է Սերբիայի ազգային պաշտպանական համալսարանի և ռազմական ակադեմիայի կառուցվածքին, գործառույթներին, ուսումնական գործընթացին, դասավանդվող ծրագրերին և առարկաներին, ունկնդիրների և դասախոսական կազմի ընտրությանն ու վերապատրաստման գործընթացին:
Հայաստանի պաշտպանական գերատեսչության ներկայացուցիչները Սերբիայի գործընկերներին են ներկայացրել ՀՀ ՊՆ ռազմաուսումնական հաստատությունների կառուցվածքն ու գործունեությանն առնչվող բանախոսություններ:
Այցի արդյունքներով պայմանավորվածություն է ձեռք բերվել շարունակել երկու երկրների ռազմաուսումնական հաստատությունների միջև ձևավորված համագործակցությունը:
