28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Ռուսական ԱԹՍ-ներն Ուկրաինայում հարվածել են ադրբեջանական SOCAR-ի լցակայանին
Քաղաքականություն
06.07.2026 | 11:37
Ռուսաստանի զինված ուժերն ԱԹՍ-ներով հարված են հասցրել Ուկրաինայում գտնվող ադրբեջանական SOCAR-ի լցակայանին։ Ադրբեջանական լրատվամիջոցների հաղորդմամբ՝ հուլիսի 5-ի երեկոյան հարձակման է ենթարկվել Նիկոլաևի մարզում գտնվող SOCAR-ի լցակայանը։ Այնտեղ պայթյուն է տեղի ունեցել։
SOCAR Energy Ukraine-ը հաստատել է տեղեկությունը։ Հարվածի հետևանքով վնասվել է բենզալցակայանի վարչական շենքը: Ընկերությունը հայտարարել է, որ ավելի լուրջ հետևանքներ կանխվել են կանխարգելիչ անվտանգության միջոցառումների, օդային հարձակման ժամանակ հրահանգների խիստ պահպանման և ապաստարանի առկայության շնորհիվ: Հարձակման ժամանակ բոլոր աշխատակիցներն ապաստարանում են եղել, տուժածներ չկան:
Վերջին օրերին ռուսական զորքերը զանգվածային հարվածներ են հասցրել Ուկրաինայի լցակայաններին:
Անցյալ ամռանը Ժիտոմիրի մարզի Բերյոզինա գյուղում տեղի ունեցած պայթյունները լուրջ վնաս էին հասցրել SOCAR Energy Ukraine-ի երկու բենզալցակայաններին։ Օգոստոսին էլ ռուսները «Շահեդ»-ներով հարձակվել էին Օդեսայի մարզում գտնվող SOCAR-ի նավթաբազայի վրա։ Հարվածը հրդեհի պատճառ էր դարձել, 4 մարդ լուրջ վնասվածքներ էր ստացել։
Թարգմանությունը՝ Էմմա Չոբանյանի
