28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Փաշինյանը խոստացավ Գոռավանում դպրոց կառուցել. գյուղը 412 աշակերտ ունի․ ՏԵՍԱՆՅՈւԹ
Քաղաքականություն
04.07.2026 | 19:26
Վարչապետ Նիկոլ Փաշինյանն այսօր այցելել է Վեդի համայնքի Գոռավան բնակավայր, որտեղ ծանոթացել է մանկապարտեզի շինարարական աշխատանքներին և զրուցել բնակիչների հետ։
Այցի առանցքային կետերից մեկը Գոռավանի նորակառույց մանկապարտեզի շինհրապարակն էր։ Ինչպես ներկայացրին Փաշինյանին՝ ծրագիրն իրականացվում է պետական բյուջեի միջոցներով, ընդհանուր արժեքը կազմում է շուրջ 300 միլիոն դրամ․ «Մանկապարտեզը լինելու է եռահարկ, ունենալու է 1100 քառակուսի մետր ընդհանուր տարածք և նախատեսված է 90 երեխայի համար։ Շինարարական աշխատանքները մեկնարկել են հունիսին և նախատեսվում է ավարտել մեկ տարվա ընթացքում»։
Վարչապետը կարևորել է այն փաստը, որ կիրառվում է նախագծերի տիպայնացման սկզբունքը։ Նույնատիպ նախագծով մանկապարտեզ է կառուցվում նաև այլ համայնքում։
«Սա սեփական արտադրություն է դառնում, ինչը ճիշտ է թե՛ ժամանակի խնայողության, թե՛ ծախսերի արդյունավետության տեսանկյունից»,- նշել է Նիկոլ Փաշինյանը։
Համայնքի բնակիչների հետ զրույցի ընթացքում բարձրացվել է նաև տեղի դպրոցի վերակառուցման հարցը։ Բնակիչները մտահոգություն են հայտնել շենքի անմխիթար վիճակի վերաբերյալ։ Տեղեկանալով, որ դպրոցն ունի 410 աշակերտ, վարչապետը խոստացել է խնդիրը ներառել առաջնահերթությունների ցանկում։
«Կարևորը աշակերտների առկայությունն է։ Եթե կան երեխաներ, մենք անպայման կապահովենք նրանց համար պատշաճ կրթական պայմաններ»,- շեշտել է նա։
Մանրամասները՝ տեսանյութում։
