26.07.2026 | 13:17
Հայ ըմբիշները Բաքվում են
ՀՀ ԱԳՆ-ն Անկախության օրվա առթիվ շնորհավորել է «Բելառուսի բարեկամ ժողովրդին», բայց ոչ իշխանություններին
Քաղաքականություն
03.07.2026 | 19:51
ՀՀ ԱԳՆ-ն Բելառուսի Անկախության օրվա առթիվ շնորհավորել է այդ երկրի բարեկամ ժողովրդին։
«Անկախության օրվա կապակցությամբ Հայաստանն իր ջերմ շնորհավորանքներն ու լավագույն մաղթանքներն է հղում Բելառուսի բարեկամ ժողովրդին»,- ասվում է ՀՀ ԱԳՆ-ի X-ում գրառման մեջ։
Ուշագրավ է, որ դրանում Բելառուսի իշխանությունները չեն հիշատակվում։
Դեռևս 2024 թվականի հունիսին ԱԺ-ում ՀՀ վարչապետ Նիկոլ Փաշինյանը հայտարարել էր, որ Հայաստանի ոչ մի պաշտոնական ներկայացուցիչ Բելառուս չի այցելի, քանի դեռ երկրի նախագահն Ալեքսանդր Լուկաշենկոն է։ Փաշինյանը դա հիմնավորել է նրանով, որ Լուկաշենկոն՝ որպես ՀԱՊԿ անդամ երկրի ղեկավար, բացահայտ խրախուսել և աջակցել է Ադրբեջանին 2020 թվականի Լեռնային Ղարաբաղի պատերազմում։
«ՀԱՊԿ ղեկավարներից մեկը հայտարարում է, թե 44-օրյա պատերազմը նախապատրաստելուն մասնակցել է, քաջալերել է, հավատացել է, ցանկացել է Ադրբեջանի հաղթանակը: Դրանից հետո ես պետք է գնամ Բելառուսի նախագահի հետ ՀԱՊԿ ֆորմատում նստեմ ու հարց քննարկե՞մ։ Ես արձանագրում եմ, որ ես երբեք Բելառուս չեմ այցելի, քանի այնտեղ նախագահ է Ալեքսանդր Լուկաշենկոն: Ես ընդհանրապես հայտարարում եմ, որ այս պահին Հայաստանի ոչ մի պաշտոնական ներկայացուցիչ Բելառուս չի այցելի ընդհանրապես»,- հայտարարել էր Փաշինյանը։
Թարգմանությունը՝ Էմմա Չոբանյանի
