03.07.2026 | 21:29
Հաստատվել են 2026-ի 3-րդ՝ լրացուցիչ փուլի միասնական քննությունների օրերը
Մոսկվայի դատարանը Մարգարիտա Սիմոնյանի դեմ մահափորձի մեջ մեղադրվողներին դատապարտել է մինչև 20 տարվա ազատազրկման
Քաղաքականություն
03.07.2026 | 20:27
Մոսկվայի դատարանը ռուսաստանցի քարոզիչ Մարգարիտա Սիմոնյանի դեմ մահափորձի գործով մեղադրյալներին դատապարտել է երկարատև ազատազրկման, գրում է The Insider-ը։
NS/WP (National Socialism/White Power) շարժման ենթադրյալ առաջնորդ Միխայիլ Բալաշովը դատապարտվել է 20 տարվա ազատազրկման։ Քննչական կոմիտեն նրան համարում է շարժման առաջնորդներից մեկը։
Գերատեսչության տվյալներով՝ Բալաշովը 2022 թվականին Մոսկվայում ստեղծել է «Մաքուր արյուն» շարժման բջիջ։ 50,000 դոլար պարգևատրման դիմաց նա ու մեկ այլ մեղադրյալ՝ Եգոր Սավելևը, ենթադրաբար, համաձայնել են սպանել Սիմոնյանին։ Սավելևը դատապարտվել է 15 տարվա ազատազրկման։
Այս գործում ներգրավված է եղել, ընդհանուր առմամբ, 12 մարդ։ Մնացած մեղադրյալները նույնպես ստացել են առնվազն վեց տարվա ազատազրկման պատիժ։
Եգոր Սավելևի և Միխայիլ Բալաշովի դեմ մեղադրանքներ էին առաջադրվել 2023 թվականի սեպտեմբերին։ Հատուկ ծառայությունները հայտնել էին նույն թվականի հուլիսին Մարգարիտա Սիմոնյանի դեմ «ուկրաինական հատուկ ծառայությունների կողմից սպանության նախապատրաստման» խափանման մասին։
Ռուսաստանի ուժայինների վարկածով ՝ NS/WP-ի անդամները պատասխանատու են նաև հեռուստահաղորդավար Վլադիմիր Սոլովյովի դեմ ձախողված մահափորձի համար։ Խումբը, ենթադրաբար, մտադիր էր սպանել նրան թունավորված պիցցայով։ Անցյալ տարվա դեկտեմբերին խմբի մյուս անդամները դատապարտվել են մինչև ցմահ ազատազրկման այս գործի շրջանակում։
Թարգմանությունը՝ Էմմա Չոբանյանի
