21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Ալեն Սիմոնյանի կադրերին ազատելո՞ւ եք աշխատանքից. Ռուբեն Ռուբինյանը` ԱԺ նախագահի աշխատակազմի մասին. ՏԵՍԱՆՅՈՒԹ
Քաղաքականություն
03.07.2026 | 13:51
Ազգային ժողովի նախագահի պաշտոնում «Քաղաքացիական պայմանագիր» կուսակցության կողմից առաջադրված թեկնածու Ռուբեն Ռուբինյանը լրագրողների հարցին ի պատասխան, թե Ալեն Սիմոնյանի կադրերին՝ ԱԺ աշխատակիցներին արդյո՞ք ասել է, որ «ճամպրուկները հավաքեն», բացասական պատասխան տվեց։
««Քաղաքացիական պայմանագիր» կուսակցության վարչությունը նոր է որոշել առաջադրել իմ թեկնածությունը։ Այս պահին կա գործող ԱԺ նախագահ, կա գործող աշխատակազմ»,- ասաց Ռուբինյան։
Հիշեցնենք՝ հունիսի 25-ին ՔՊ վարչության նիստից հետո վարչապետ Նիկոլ Փաշինյանը հայտնեց, որ Ռուբեն Ռուբինյանն ընտրվել է ԱԺ նախագահի թեկնածու։
«Քննարկման և փակ-գաղտնի քվեարկության արդյունքում է թեկնածու ընտրվել Ռուբեն Ռուբինյանը»,- նշել էր Փաշինյանը:
Լրագրողների հետ զրույցում Ռուբեն Ռուբինյանն ասել էր, որ շոյված էր քվերակության արդյունքից։
«Վստահությունն ինձ համար շատ պարտավորեցնող է: Չեմ կարող ասել, որ ինչ-որ բան պետք է ավելի լավ անեմ, քան նախորդ նախագահը կամ մյուս թեկնածուները: Ես կարծում եմ, որ պարոն Սիմոնյանը շատ լավ Ազգային ժողովի նախագահ է եղել և պարոն Կոնջորյանը փայլուն խմբակցության ղեկավար է եղել»:
ԱԺ նախագահի աթոռի համար պայքարում էին երեք թեկնածուներ՝ գործող խորհրդարանի խոսնակ Ալեն Սիմոնյանը, փոխխոսնակ Ռուբեն Ռուբինյանը և խմբակցության ղեկավար Հայկ Կոնջորյանը։
Մանրամասները՝ տեսանյութում։
