ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Ռուսաստանից երկու ռուֆերներ՝ 33-ամյա Անգելա Նիկոլաուն և 32-ամյա Իվան Բիրկուսը (Կուզնեցով), հուլիսի 1-ին  դիմակներով բարձրացել են Նյու Յորքի Empire State Building-ի գագաթը։ Նրանք սրաձողին ամրացրել են պաստառ՝ «Երբ սերն ավելի ուժեղ է դառնում, քան իշխանության ծարավը, աշխարհը ճանաչում է խաղաղությունը» գրությամբ պաստառ։ Բիրկուսը նաև ամուսնության առաջարկ է արել Նիկոլաուին։ Նրանք լուսանկարները հրապարակել են իրենց Ինստագրամի էջերում, գրում է DW-ի ռուսական ծառայությունը։

Նիկոլաուն նախ իր հետևորդների հետ կիսվել է հղումով՝ երկնաքերի գագաթից ուղիղ հեռարձակումը դիտելու համար, որը, ներառյալ սրաձողը, հասնում է 443 մետրի: Հետո, երբ նրանք կախել են սև պաստառը, որի տեքստը հաճախ վերագրվում է ամերիկացի կիթառահար Ջիմի Հենդրիքսին, նրանք իջել են անմիջապես ներքևում գտնվող հարթակ: Այնտեղ Բիրկուսը ծնկի է  իջել  և ամուսնության առաջարկ արել Նիկոլաուին։ Վերջինը Ինստագրամում հրապարակել է  իր լուսանկարը՝ նշանադրության մատանիով:

Առաջարկից և համբույրից հետո զույգը շարունակել է իջնել, Նյու Յորքի ոստիկանությունը ձերբակալել է նրանց, հաղորդում է CBS-ը։ Նրանց մի շարք մեղադրանքներ են սպառնում, այդ թվում՝ ներխուժում, այլոց անվտանգությունը վտանգելու, գույքին չարամիտ վնաս հասցնելու, տեղական օրենքների խախտման, գողության համար գործիքների պահպանման, սարքավորումներին չարտոնված միջամտության, մասնավոր սեփականության վրա ապօրինի գտնվելու և հասարակական կարգուկանոնը խախտելու համար։

Նախնական  տվյալներով՝ զույգը կարողացել է բարձրանալ երկրնաքերի գագաթին՝ մուտք գործելով փակ 103-րդ հարկ, որը ծառայում է որպես ջրաշտարակի սպասարկման տարածք։ Իրավապահ մարմինները ներկայում հետաքննում են, թե ինչպես են նրանք դա արել և ինչպես են կարողացել բարձրանալ սրաձողի վրա՝ ռադիոհեռուստատեսային աշտարակի, որը սպասարկում է տեղական կայանները։

Empire State Building-ի ներկայացուցիչները նշել են, որ ռուֆերների գործողությունները որևէ սպառնալիք չեն ներկայացրել վարձակալների, շենքի այցելուների կամ դիտահարթակի համար։

«Հարկ է ընդգծել, որ Empire State Building-ի դիտահարթակը, որը գտնվում է Նյու Յորքի սրտում՝ աշխարհի ամենահայտնի շենքի գագաթին, կատարյալ վայր է անմոռանալի ամուսնության առաջարկ անելու համար»,- հայտարարել է աշտարակի վարչակազմը։

Մոսկվայում ծնված Նիկոլաուն և Բիրկուսն ապրում են Նյու Յորքում, միասին են 2016 թվականից: Նրանց առաջին համատեղ «բարձրացումը» տեղի է ունեցել նույն թվականին․ նրանք բարձրացել են Չինաստանի Տյանցզին քաղաքում գտնվող անավարտ, գրեթե 597 մետր բարձրությամբ Goldin Finance 117 երկնաքերը։

«Skywalkers: The Story of a Couple» վավերագրական ֆիլմը նվիրված է նրանց: Ֆիլմի պրեմիերան տեղի է ունեցել 2024 թվականի Սանդենսի կինոփառատոնում, իսկ մի քանի օր անց Netflix-ը ձեռք է բերել դրա տարածման իրավունքները: Վավերագրական ֆիլմը Netflix-ում հասանելի է  2024 թվականի հուլիսի 19-ից:

Թարգմանությունը՝ Էմմա Չոբանյանի