28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Ուկրաինան ԵՄ խաղաղության հիմնադրամից ռազմական օգնության համար 6,6 մլրդ եվրո է խնդրում. Reuters
Քաղաքականություն
01.07.2026 | 14:10
Ուկրաինան իր արևմտյան գործընկերներին խնդրում է Եվրոպական խաղաղության հիմնադրամի շրջանակում հատկացված 6,6 միլիարդ եվրոն ուղղորդել ռազմական օգնությանը՝ մարտադաշտում «հնարավորության պատուհանից» օգտվելու համար, հաղորդում է Reuters-ը։ Ուկրաինայի պաշտպանության նախարար Միխայիլ Ֆեդորովը ԵՄ-ին ուղղված նամակում, որին ծանոթացել է գործակալությունը, Կիևի այս տարվա ընդհանուր պաշտպանական կարիքները գնահատում է շուրջ 136 միլիարդ եվրո, որից մոտավորապես 53 միլիարդ եվրոն ծածկում է Ուկրաինայի բյուջեն, գրում է BBC-ի ռուսական ծառայությունը։
Ուկրաինան այս տարի նախատեսվում է ստանալ շուրջ 28,3 միլիարդ եվրո պաշտպանության համար՝ ԵՄ 90 միլիարդ եվրո վարկից, սակայն նույնիսկ այս գումարը և Կիևի սեփական միջոցները հաշվի առնելով՝ պաշտպանության ֆինանսավորման «նշանակալի» կարիքները մնում են չբավարարված, գրել է Ֆեդորովը։
«Եվրոպական պաշտպանության հիմնադրամի շրջանակում միջոցները կարող են դառնալ այս տարի Ուկրաինայի պաշտպանական ջանքերին ուղղված ամենանշանակալի եվրոպական ներդրումներից մեկը, բայց միայն այն դեպքում, եթե այդ միջոցները ուղղվեն այնտեղ, որտեղ դրանք կարող են ունենալ ամենամեծ ռազմական ազդեցությունը»,- նշվում է նամակում։
Հունիսի 17-ին կայացած մամուլի ասուլիսում Ֆեդորովը նշել էր, որ Կիևը նաև լրացուցիչ 20 միլիարդ դոլարի ռազմական ֆինանսավորում է խնդրում Ռամշտայն խմբից՝ արդեն հատկացված 40 միլիարդ դոլարից բացի։
Թարգմանությունը՝ Էմմա Չոբանյանի
