28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Դիմումները կարդալիս տպավորություն է, թե ՀՀ ընտրազանգվածը զոմբի է․ ՍԴ դատավոր․ ՏԵՍԱՆՅՈՒԹ
Հասարակություն
29.06.2026 | 17:37
Սահմանադրական դատարանում ընտրությունների արդյունքների վիճարկման գործի քննության ընթացքում ՍԴ դատավոր Արթուր Վաղարշյանը քաղաքական ուժերի ներկայացուցիչներին խնդրեց ներկայացնել իրենց պատկերացումը ընտրողի մասին։
երը կարդալիս իր մոտ տպավորություն է ստեղծվել, թե դիմողները ընտրողներին ներկայացնում են որպես մարդկանց, որոնք հեշտությամբ ենթարկվում են ցանկացած ազդեցության։
«Երբ ես կարդում եմ դիմումները, իմ մոտ տպավորություն է, որ Հայաստանի Հանրապետության ընտրազանգվածը զոմբի է։ Եվ ինչ-որ մեկը ասաց՝ «շուն-շանգյալ», սրանք վախեցան, գնացին իրենց ընտրեցին։ Ինչ-որ մեկի թոշակը 5000-ով բարձրացավ, ուրախությունից… էսքան պարզ չի կյանքը, գիտեք։ Դուք ինչ է՝ մարդկանց ավտոմատի տե՞ղ եք դրել, որը մատի մի շարժումից պատրաստ է ինչ-որ հրամաններ կատարելու»,- ասաց դատավորը։
Ի պատասխան՝ «Հայաստան» դաշինքի ներկայացուցիչ Տաթևիկ Սողոյանը նշեց, որ մարդիկ տարբերվում են իրենց սոցիալական, կրթական և հոգեբանական առանձնահատկություններով, իսկ իրավունքի խնդիրն է սահմանել այն ընդհանուր չափանիշները, որոնք կարող են ազդել ընտրողի ազատ կամարտահայտության վրա։
Միաժամանակ Սողոյանը խոստովանեց, որ նման ազդեցությունների ճշգրիտ չափումը ներկայումս դժվար է, և եթե երբևէ Սահմանադրական դատարանը գնահատի այդ հարցը, ապա առավել օբյեկտիվ չափման գործիք կարող են լինել սոցիոլոգիական հետազոտությունները։
Մանրամասները՝ տեսանյութում։
