29.06.2026 | 14:25
ՀՀ ֆինանսների նախարարն ու ԿԲ նախագահը միջազգային ներդրողներին ներկայացրել են Հայաստանի մակրոտնտեսական զարգացումները
Եվրոպայում ծայրահեղ շոգի պատճառով հունիսի 21-ից ավելի քան 1300 մարդ է մահացել․ ԱՀԿ ղեկավար
Քաղաքականություն
29.06.2026 | 13:12
Հունիսի 21-ից ի վեր Եվրոպայում ծայրահեղ շոգի պատճառով ավելի քան 1300 մահվան դեպք է գրանցվել, հայտնել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեյեսուսը, գրում է The Insider-ը։
Նա չի նշել, թե ինչ տարիքային խմբի ներկայացուցիչներ են մահացածները։
«Եվրոպան Երկրի վրա ամենաարագ տաքացող մայրցամաքն է, որտեղ ջերմաստիճանը բարձրանում է համաշխարհային միջին ցուցանիշից երկու անգամ ավելի արագ։ Այս պահին 150 միլիոն մարդ ապրում է ծայրահեղ շոգի պայմաններում, հարյուրավոր մարդիկ մահացել են, դպրոցները փակ են, իսկ էլեկտրացանցերը լարված են։ Շոգից սթրեսը հաճախ անվանում են «լուռ մարդասպան», եվրոպական տները, աշխատավայրերն ու դպրոցները չեն կառուցվել այս ջերմաստիճանների համար»,- սոցցանցերում գրել է Գեբրեյեսուսը։
Ավելի վաղ Ֆրանսիայի Առողջապահության նախարարությունը հայտնել էր, որ չորեքշաբթի օրվանից ի վեր երկրում գրանցվել է մոտավորապես 1000-ով ավելի մահ, քան կանխատեսվում էր, հաղորդում է BBC-ն: Դեպքերի մեծ մասը 65 տարեկանից բարձր մարդկանց շրջանում է։
Անցյալ շաբաթ մի քանի եվրոպական երկրներում գերազանցվել են պատմական ջերմաստիճանի ռեկորդները: Օրինակ՝ Գերմանիայում երեք օր շարունակ գրանցվել է ռեկորդային տաք՝ երկրի արևելյան մասում հասնելով 41.7°C-ի։
Անցյալ տարի հունիսի 23-ից հուլիսի 2-ը տեղի ունեցած անոմալ շոգի ալիքը տասներկու խոշոր եվրոպական քաղաքներում խլել էր 2300 մարդու կյանք, հայտնել է The Guardian-ը: Մասնագետներն այս մահերի 1500-ը վերագրել էին կլիմայի փոփոխության հետևանքներին:
Թարգմանությունը՝ Էմմա Չոբանյանի
