04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Երևանցիների շահը չի կարող ստորադասվել որևէ մեկի 98 թվականի «հոտած» պայմանագրին. Ավինյան․ ՏԵՍԱՆՅՈՒԹ
Տնտեսություն
29.06.2026 | 11:11
Երևանի քաղաքապետարանի գործակարգավարական նիստի ընթացքում մանրամասներ են ներկայացվել «Հաղթանակ» այգու տարածքների վերադարձի և սպասվող բարեկարգման վերաբերյալ։
Քաղաքաշինական հատուկ ծրագրերի վարչության պետի ԺՊ Ալիկ Վարդազարյանն ասաց, որ բանակցությունների արդյունքում ձեռք է բերվել պայմանավորվածություն մասնավոր սեփականատիրոջ հետ՝ Բաբայան փողոցին հարող շուրջ 6900 քմ մակերեսով հողատարածքը համայնքին վերադարձնելու վերաբերյալ։
«Տվյալ տարածքը փաստացի հանդիսանում է զբոսայգու անտառային շերտի մի մասը և գտնվում է «Մայր Հայաստան» հուշարձանի հյուսիս-արևմտյան հատվածում։ Բացի այդ, ևս 2000 քմ հողատարածքի համար առաջարկվել է փոխանակում, որպեսզի բացառվի միջավայրին ոչ համահունչ որևէ կառուցապատում։ Արդյունքում՝ շուրջ 9000 քմ տարածք կրկին կծառայի հանրությանը»,- ասաց Վարդազարյանը։
Այգու ժամանցային հատվածի արդիականացման ծրագիրն այս պահին գտնվում է դատական փուլում։ Համայնքը հրաժարվել է երկարացնել «Ուրախ ժամանց» ՍՊԸ-ի հետ կառուցապատման պայմանագիրը, ինչը բողոքարկվել է ընկերության կողմից։
Թեև առաջին ատյանի դատարանը մերժել է ընկերության հայցը, սակայն վերաքննիչ փուլում կիրառված հայցի ապահովման միջոցն այս պահին սահմանափակում է քաղաքապետարանի գործողությունները։
Անդրադառնալով այս խնդրին՝ քաղաքապետ Տիգրան Ավինյանն ասաց «Երևանցիների շահը չի կարող ստորադասվել որևէ մեկի, չգիտեմ, 98 թվականի արդեն այդպես «հոտած» պայմանագրին»։
Մանրամասները՝ տեսանյութում։
