28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Սաուդյան Արաբիայում ուղղաթիռի կործանման հետևանքով 14 մարդ է զոհվել
Քաղաքականություն
28.06.2026 | 18:42
Սաուդյան Արաբիաում ազգային նավթային Saudi Aramco ընկերությանը պատկանող ուղղաթիռի կործանման հետևանքով զոհվել է 14 մարդ՝ թագավորության քաղաքացիներ, փոխանցում է DW-ն։
Ողբերգությունը տեղի է ունեցել կիրակի՝ հունիսի 28-ի առավոտյան, երկրի արևելքում գտնվող Ռաս Թաննուրա քաղաքում։ Վթարի պատճառները դեռևս պարզվում են։ Իրավասու մարմինները հետաքննում են դեպքի հանգամանքները։
Ռաս Թաննուրայում գտնվում է տարածաշրջանի խոշորագույն նավթավերամշակման համալիրներից մեկը։ Հրապարակման պահին Էր Ռիադը ավիավթարը չէր կապել արդյունաբերական ենթակառուցվածքների վրա հնարավոր հարձակման հետ։
Հաղորդվում է, որ Saudi Aramco-ն շահագործում է 60 օդանավ և ուղղաթիռ, որոնք սպասարկում են երկրի ավելի քան 300 ուղղաթիռային հարթակ։ Սա տարածաշրջանի ամենախոշոր կորպորատիվ ավիապարկերից մեկն է։
