09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վուչիչը հայտարարել է նախագահի պաշտոնում իր «վերջին օրերի» մասին
Քաղաքականություն
27.06.2026 | 21:49
Սերբիայի նախագահ Ալեքսանդր Վուչիչը Բելգրադում Ազգային ժողովի (Սկուպշչինայի) շենքի առջև անցկացված հանրահավաքում հայտարարել է, որ իր պաշտոնավարման ժամկետը մոտենում է ավարտին։ Նա ընդգծել է, որ միշտ գործել է բացառապես իր ժողովրդի շահերից ելնելով։
«Վերջին 14 տարիների ընթացքում յուրաքանչյուր պահին հավատարմորեն ծառայել եմ ձեզ։ Ասում էին, որ ես երբեք չեմ հեռանա այս պաշտոնից։ Նրանք սխալվում են. սրանք Սերբիայի նախագահի պաշտոնում իմ վերջին օրերն են»,- ասել է Վուչիչը։
Ավելի վաղ հաղորդվել էր, որ Բելգրադում մեկնարկել է «Սերբիա՝ մեկ ընտանիք» խորագրով զանգվածային հանրահավաքը՝ ի աջակցություն նախագահ Ալեքսանդր Վուչիչի քաղաքական կուրսի և իշխող Սերբական առաջադիմական կուսակցության։ Նշվում է, որ Սկուպշչինայի շենքի առջև անցկացվող հանրահավաքը կազմակերպվել է աշնանը նախատեսված ընտրություններին ընդառաջ։
Ավելի վաղ «Սերբիագազ» պետական գազային ընկերության դիտորդ խորհրդի նախագահ, Սերբիայի նախկին փոխվարչապետ Ալեքսանդր Վուլինը հայտարարել էր, որ Վուչիչը չի առաջադրվի նոր նախագահական ժամկետի համար։ Նրա խոսքով՝ պաշտոնը թողնելուց հետո էլ Վուչիչը կշարունակի ակտիվորեն մասնակցել երկրի քաղաքական կյանքին։
