22.10.2026 | 11:24
ԱՄՆ-ն իր դիվանագետներին հրահանգել է լքել Սաուդյան Արաբիան՝ հութիների հարձակումների ֆոնին
«Ընտրություններից հետո Հայաստանում իրավիճակը կկայունանա»․ ԱՊՀ գլխավոր քարտուղար
Քաղաքականություն
26.06.2026 | 16:30
Խորհրդարանական ընտրություններից հետո Հայաստանում իրավիճակը կկայունանա, դրա համար կան նախադրյալներ։ Այս մասին լրագրողներին ասել է ԱՊՀ գլխավոր քարտուղար Սերգեյ Լեբեդևը, գրում է ՏԱՍՍ-ը։
«Կարծում եմ՝ նախադրյալներ կան, քանի որ ՀՀ վարչապետ Նիկոլ Փաշինյանը հայտարարել է, որ այս պահին նրանք չեն պատրաստվում ԵՏՄ-ից դուրս գալ։ ԱՊՀ-ի մասին ընդհանրապես խոսք չի գնում, նրանք կմնան մեր կազմում»,- ասել է կազմակերպության գլխավոր քարտուղարը։
Լեբեդևը նշել է, որ Հայաստանի լիազոր ներկայացուցիչը ներկա է եղել ԱՊՀ տնտեսական խորհրդի այսօրվա նիստին, մասնակցել և ստորագրել է փաստաթղթերը։
«Մենք հույս ունենք, որ ամեն ինչ լավ կլինի»,- հավելել է ԱՊՀ գլխավոր քարտուղարը։
Թարգմանությունը՝ Էմմա Չոբանյանի
