26.07.2026 | 13:40
3,2 մագնիտուդով երկրաշարժ՝ Կասպից ծովում
Իրանը հարված է հասցրել Հորմուզի նեղուցով անցնող նավի
Քաղաքականություն
26.06.2026 | 12:45
Հունիսի 25-ին Իրանը հարված է հասցրել Հորմուզի նեղուցով անցնող նավի, հայտնել է CNN-ը։ ԱՄՆ անանուն պաշտոնյան նշել է, որ նավը հարձակման է ենթարկվել իրանական անօդաչու թռչող սարքի կողմից, գրում է Meduza-ն։
United Kingdom Maritime Trade Operations կազմակերպությունը, որը հետևում է տարածաշրջանում ծովային երթևեկությանը, հայտնել է, որ անհայտ արկը հարվածել է նավի աջ կողմին։ Վիրավորների մասին տեղեկություններ չկան:
Իրանը չի ստանձնել հարձակման պատասխանատվությունը։ Հարվածը տեղի է ունեցել Իսլամական հեղափոխության պահապանների կորպուսի հայտարարությունից մի քանի ժամ անց, որ անվտանգ անցում կտրամադրվի միայն Իրանի կողմից հաստատված երթուղիներով երթևեկող նավերին։
Սա Հորմուզի նեղուցում նավի վրա առաջին հարձակումն է այն բանից հետո, երբ ԱՄՆ-ն և Իրանը հունիսի 18-ին համաձայնագիր ստորագրեցին, որը նախատեսում է 60-օրյա հրադադար բոլոր ճակատներում, նաև պատերազմն ամբողջությամբ դադարեցնելու համար բանակցություններ սկսել։
Հարձակման պատճառով ՄԱԿ-ի Միջազգային ծովային կազմակերպությունը կասեցրել է պատերազմի սկզբից ի վեր Պարսից ծոցի տարածաշրջանում մնացած հարյուրավոր նավերի ուղեկցումն և ավելի քան 11,000 նավաստիների տարհանումը։
Թարգմանությունը՝ Էմմա Չոբանյանի
