05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Տարվա ամենազանգվածային հարձակումը. ուկրաինական ավելի քան 600 ԱԹՍ-ներ գրոհել են ՌԴ շրջանները
Քաղաքականություն
26.06.2026 | 11:15
Ուկրաինայի զինված ուժերը հունիսի լույս 26-ի գիշերը զանգվածային հարված են հասցրել Ռուսաստանի շրջաններին, գրում է Meduza-ն։
Տուլայի շրջանն Ուկրաինայի զինված ուժերի հիմնական թիրախներից է եղել։ Astra տելեգրամյան ալիքի տվյալներով՝ հարձակման են ենթարկվել «Ազոտ» քիմիական գործարանը և Նովոմոսկովսկի էլեկտրակայանը, ինչի հետևանքով հրդեհներ են բռնկվել։
Տուլայի մարզի նահանգապետ Դմիտրի Միլյաևը հայտնել է, որ գիշերը շրջանում խոցվել է 157 անօդաչու թռչող սարք։ Նա նաև հայտնել է Նովոմոսկովսկում արդյունաբերական օբյեկտի վնասման մասին։ Բացի այդ, վնասվել է Շչյոկինո շրջանում գտնվող մասնավոր տուն, մեկ կին է վիրավորվել։
ՌԴ մայրաքաղաք Մոսկվան Ուկրաինայի մյուս թիրախն է եղել։ Մոսկվայի քաղաքապետ Սերգեյ Սոբյանինը հայտնել է, որ գիշերը Մոսկվայի և մարզի վրա խոցվել է առնվազն 47 անօդաչու թռչող սարք։ Տեղական իշխանությունների տվյալներով՝ արտակարգ ծառայություններն աշխատում են բեկորների անկման վայրում, սակայն հստակ վայրը չի նշվում։
Ռուսաստանի Պաշտպանության նախարարությունը հայտնել է, որ գիշերը ՀՕՊ համակարգերը Ռուսաստանի 12 շրջաններում, բռնակցված Ղրիմի, Սև ու Ազովի ծովերի վրա ոչնչացրել են ուկրաինական 660 անօդաչու թռչող սարք։
Նշվում է, որ գիշերային հարձակումը տարվա ընթացքում ամենազանգվածայինն է եղել։
Թարգմանությունը՝ Էմմա Չոբանյանի
