26.07.2026 | 14:33
Օգոստոսին կգրանցվեն տարվա ամենամեծ թվով աստղագիտական երևույթները
Զելենսկին հայտարարել է Ռուսաստանի նկատմամբ «40-օրյա ազդեցության գործողության» մասին՝ պատերազմը դադարեցնելու համար
Քաղաքականություն
26.06.2026 | 12:19
Ուկրաինայի նախագահ Վլադիմիր Զելենսկին հայտնել է, որ գեներալ-մայոր Եվգենի Խմարան զեկուցել է «հեռահար պատժամիջոցների ծրագրի, միջին հեռահարության պատժամիջոցների և Ուկրաինայի անվտանգության ծառայության, մասնավորապես, «Ալֆա» հատուկ գործողությունների կենտրոնի՝ առաջնագծում ունեցած արդյունքների մասին», գրում է Current time-ը։
«Ես հաստատել եմ Ծառայության համար 40-օրյա գործողությունը՝ պատերազմը դադարեցնելու նպատակով ագրեսոր պետության վրա ազդելու համար»,- գրել է նա։
Զելենսկին չի բացահայտել գործողության մանրամասները։ Նա նշել է «Ուկրաինայի դիրքերի պաշտպանության ամենաբարձր ցուցանիշները ռազմաճակատում՝ տարբեր տեսակի անօդաչու թռչող սարքերի օգտագործման շնորհիվ»։
«Ալֆա» կենտրոնը հակաահաբեկչական և թիկունքում հատուկ գործողություններ է իրականացնում։ Այս ստորաբաժանումը հունիսի սկզբին կանգնած էր Կրոնշտադտի, Լենինգրադի մարզի ռազմածովային ուժերի զինանոցի և Կուբանի Ուստ-Լաբինսկի նավթաբազայի վրա հարվածների հետևում:
Ուկրաինան ուժեղացրել է հարձակումները Ռուսաստանի էներգետիկ ենթակառուցվածքների վրա։ Մայիսին հարձակման են ենթարկվել 16 նավթավերամշակման գործարաններ, այդ թվում՝ տասը խոշորագույններից ութը։ Ուկրաինական հարվածները շարքից հանել են Ռուսաստանի նավթավերամշակման հզորությունների զգալի մասը, ինչը հանգեցրել է բենզինի պակասի, վառելիքի գների բարձրացման և բազմաթիվ շրջաններում բենզալցակայաններում երկար հերթերի։
Բռնակցված Ղրիմում նավթային օբյեկտների և տրանսպորտային ուղիների վրա հարձակումները վառելիքի պակասի պատճառ են դարձել։ Հունիսի լույս 21-ի գիշերը Ուկրաինայի զինված ուժերի հարձակումից հետո իշխանությունները կասեցրել են բենզինի վաճառքը թե՛ անհատներին, թե՛ բիզնեսներին։ Ճամբարներ երեխաների ընդունելությունը և նախատեսված մրցույթները դադարեցվել են մինչև սեպտեմբերի 1-ը։
Թարգմանությունը՝ Էմմա Չոբանյանի
